السلام عليكم ورحمة الله وبركاته

أعزائي

حدثت معي هذه الحكاية العجيبة وسارويها لكم بالتفصيل

طبعاً محدثتكم اسمها على الماسنجر ( غادة )

في يوم الجمعة الموافق ( اليوم العصر كم كان التاريخ ؟؟؟؟ من كثر الاحداث ماعاد ادري )

المهم وبعد عصر اليوم ( والا علشان ماتصير نصبه كبيرة في الحقيقة قبل أذان المغرب بساعة تقريباً )

والمهم ايضاً كانت غادة تتصفح المنتديات وتنظر في هذا الموضوع وذاك وتبحث عن مشاركة هنا ورد هناك وكالعادة كان الماسنجر مفتوحاً لعل إحدى صديقاتها تحن عليها وتدخل وتوسع صدرها ( لاتفوتكم اللغة العربية ) وأثناء ذلك نسيت الماسنجر وهي في قمة الانشغال وفجأة :


طرررررررررن طررررررن

مربع يطلع في اسفل الشاشة يفجع غادة ( محاكيتكم )

مستر هكر : السلام عليكم ( هكر حبوب يسلم ):D

غادة : افا .

مستر هكر : هههههههه وليه افا :D

غادة : وعليكم السلام

مستر هكر : وش فيك اخت غادة .

غادة : هكر مره وحده بسم الله علي

مستر هكر : لاتخافين اختي انا مجرد حبيت اسلم عليك واقول لك اني بس ابتفرج على الجهاز واشيك عليه قد أجد برامج تنفعني وبس ماراح يضرك شيء :D

غادة : ( وهي تتنافض ) حرام عليك اخوي لاتلعب في الجهاز .

وبعد مدري وش يسمونه اخذ ورد وشد ومدري وشو

غادة : اخوي والله لو اتاكد انك هكر ان يصير شيء كبير

مستر هكر : خير ان شاء الله وش بيصير يعني ( وكأني اراه وهو يتنافض وقد دخله الخوف من هذه الفتاة فقد تكون هي ايضاً هكر ويحوس عليه الجهاز حوس )

غادة : يصير شيء كبير ( فرحت انه كأنه بدا يخاف )

مستر هكر : وش يصير بسرعه لاتطولين تراني مشغول لاقي عندك برامج لازم اشتغل عليها لاتعطليني :D

غادة : ابد بيصير اني بقفل الجهاز

مستر هكر : اي جهاز

غادة ( وقد بدا عليها الحزن والانكسار مسكينة _ رحمت نفسي _ ) : اقصد ابقفل جهازي

حينها انطلق مستر هكر بضحكة قوية صمت آذان غادة ( نصبة كبيرة وشلون صمت آذانها وهو على الماسنجر بس هي حست انه جالس يضحك لانه كتبها ههههههههههههههااااااااااااااااي

واستمرت غادة في محاولات عقيمة لمعرفة هل هو فعلاً هكر أم يمزح عليها .

وبعد برهة

مستر هكر :شكرا اختي خلاص ترى أنا ماسويت شيء بس لقيت عندك برامج حلوة واخذت منها نسخة وابقيت لك الاصل .

غادة : العفو

مستر هكر : مع السلامة ولو لقيتي شيء من برامجك مايفتح لايضيق صدرك إذا جيت المرة الثانية علميني علشان اصلحه :D

غادة : لحظه اخوي .

مستر هكر : نعم خير .

غادة : عندي برامج مخبيتهم يمكن تحتاجهم ( من الخوف ماعاد تدري وش تسوي ):D

مستر هكر : المرة الجاية الحين ابلحق على الصلاة .:D

وذهب مستر هكر بعد أن غش على غادة وتهيأ لها انه فعلاً هكر وإذا هو

هههههههههههههههههههه
لو تدرون مين

بس ماراح اقول لكم

لانه مقلب كان مخيف ومضحك في نفس الوقت .

حسبي الله على الهكر ( اللي يخربون بس اما اللي يدمرون مواقع الكفار لا )

لو كنتوا في مكاني وش تسوون ؟؟؟؟؟؟