الشرطة السعودية تقتل مواطنا في الرياض

بسم الله الرحمن الرحيم

المنظر هذ شفته قدام عيني...

لا يقولون ولا منقول...

السالفة كالتالي: يوم امس الثلاثاء في الرياض قبل المغرب
انا واقف في شارع التخصصي تقاطع ولي العهد متجه جنوبا
فجاة سيارة جيب نيسان باترول موديل 92 تقريبا
قاطع اشارة ولي العهد وهو طاير متجه غرب وراه ثلا ث سيارات شرطة
ما درينا الا ثلاث مثلها تطلع من التخصصي باتجاه الشمال وفي اقل من الثانية

تصدم الجيب من جهة السائق اللي ضيع الطاسة
وطلع الرصيف وصدم اللوحة امام مطعم كودو

كل هذا صار وانا واقف في الاشارة
والله منظر ماقد شفته حتى في الافلام

في لمحة بصر 11 سيارة دورية محوطين عالجيب ونازلين باسلحتهم!!

يتنظرون الرجال ينزل مانزل!!

قربوا من السيارة لقو الرجال ما يتحرك فتحو الباب
على طول طاح الرجال من السيارة

واذا به جثة هامدة وجهة ملطخ بالدم!!

اكثر من 100 سيارة شافو هالمنظر!!

غطو وجهه الله يجزاهم خير بشماغه اتباعا للسنة

الادهى والامر الرجال مات الساعة 5.30 تقريبا

ما رفعو جثته الا الساعة 9 مساءا والله ما ادري ليه؟؟

تجمعوا العالم عالحادث وصاح فيهم النقيب (اللي ما يمشي باركبه في الدورية)

محد مشى الى ان مسكو لهم اربع شباب فعلا ركبوهم الدورية والباقين هجو


اعيد واكرر الواقعة حدثت اما عيني !!


يبقى السؤال من هو هالرجال وماهي جريمته؟؟

والسلام عليكم!!