"" الفـشــيــلة هي المواقف المحرجة التي تمر علينا .. بعض الاوقات ...
وقالت العرب تفشل الرجل أي طاح وجهه ولازم يلقطة
وقيل ايضاً:
فشل الرجل زوجتة أي قال لها: انثبري وقفلي حلقك يا مرة ... قدام أهله
وفشٌلت الرجل حبيبتة أي قفل الخط بوجهها ... الله يرجها اكيد تستاهل ...
ويمر على الانسان الكثير من المواقف المحرجة التي تصيبة بالفشيلة
ومن المواقف الاخيرة التي مرت علي وفشلتني
قبل كم يوم رحت السوبر ماركت اشتري اغراض للبيت ... ودخلت واخذت العربية احط فيها اغراضي ( ليش اسمها عربية مو انجليزي)يمكن لانه لازم احد يحركها ويمشيها على كيفه!!!! و بديت امشي بالسوق ... وكم من طفل كدت ادهسه بالعربية لاني ما أعرف أسوقها...وكم من امرأة بغيت اتوطا عباتها ...خلصت الاغراض ومن ضمنها شفرتين حلاقة صغيرة لي وجيت عند المحاسب وجا دوري وكان وراي بنات ....المهم المحاسب سعودي ... حسب اغراضي وخلص وحطوها باكياس لي وجيت اخذها واطلع وفجأة ..
احد الهنود الذين يعملون بالمحل .. قال .. صديق طلع شفرة من جيب إنتا ؟؟؟!!!!كنت ناسيهم في جيبي ولا حاسبت عليهم ... وحسبوني سارقهم ..وتعال دور وجهي قدام الناس وسمعت صوت ضحكة ناعمة وراي من البنات ، لكن ما بغيت التفت لهن حتى ما يشوفن وجهي ويقولن لبعض خدوده صارن طماط ، ودفعت ريالين وطلعت ما ادري وين طريقي
بســبب واحــد رفيقي
ومن المواقف المحرجة المفشــلة التي قرأتها وسمعت عنها
مــريم والرضاعة
مريم فتاه بالعشرينات ... لها عائلة كبيرة واقارب كثيرون وخاصة من الرضاعة وهي لاتعرفهم جميعاً بسبب كثرتهم...و في احد الايام اتاها والدها وهي تجلس بغرفتها تمشط بقرونها الطويلة استعداداً لقصهن مدرجات والا ماأدري ايش ...وقال: يا مريم ... قالت : لبيك يبه
قال : بنتي روحي سلمي على اخوانك وقرايبك بالرضاعة ... قالت ابشر يبه وراح ابوها غرفته يجيب شغلة...نزلت مريم للمجلس ولقت اخوانها اربع شباب سلمت عليهم لانهم اخوانها بالرضاعة بس اول مرة تشوفهم ...وجلست تسولف معاهم شوي ..المهم رجعت لغرفتها ... وجاء ابوها بعد شوية قال وينك ما سلمتي على اخوانك ... قالت توني رحت المجلس وسلمت يبه !!!!!وينفجع ابوها ويصرخ فيها يا بقرة اللي بالمجلس ذولي ربع اخوك اخوانك عندي بالملحق ..
هذه بعض المواقف المحرجة التي تمر على الناس دائماً.... بس ما تلقاهم وتمــشي
وتســتـــمر الفشـــايل ...................



----------------------------------
من بريدي