مسيت بالخير اخوي الشدوي00

هاهي عودتي رغم ظروفي

صالح الشدوي علينا باح سدّه * * وبالتحدّي إشتعل فيني سعير

مثل ماهو للبحر جزره ومدّه** المشاعر جزرها مبصر ومدتها ضرير

لو ملكت القاف والله لأستردّه**صح بنت ٍ!! بس لي عقل ٍ كبير


نعنبو شعري وينعن جد جده** لاغدى سهل القوافي لي عسير

وهنا اكمل ما بدأته00

من حدود الشرق لين بحور جده** ومن بلاد الشام لين أقصى عسير

للملاقي جيت والله مستعدّه** ما انازل كود حيين الضميــــــــــــر

باب جاك الريح منّه قم وسدّه** لاتحدّى ترفةٍ بنت الاميـــــــر

قالها شاعر قريته قبل مدّه**(( لا تمر النار وثيابك حرير))

جيت يا الشدوي وبي للرد شدّه**البيوت قلال والمعنى غزير

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
((لاتمر النار وثيابك حرير)) من قصيده للشاعر طلال العبد العزيز ا الرشيد

وسلامتككم جميع00

شكري للشدوي لا تستوعبه صفحات المنتدى لأنك اثرت غيرتي على القوافي واستنطقت قريحتي الشعريه00

لا تزال محاولات متواضعه مني 00كل عام وانت بالف خير اخوي الشدوي

رعبوبــــــــ وراثه تاج القصيد وبنت عصمان الشوارب ـــــــــه