الحقيقة قلت ابكتب وضيعت الخطاب=وضاعت أحلى القصايد قبل تقرونها
والقلم مني تكسر على الكيبورد ذاب=والقوافي تعض من الغبن بسنونها
والمشاعر تجر الحرف رغم المصاب=من معاليق قلبي جرت لحونها
القمر يمسي بدر يوم والثاني يغاب=أستغل فرصة زمانك لا تغير لونها
ماتوقف حياة الناس لحظة عتاب=ومايوقف عليها غير مجنونها
قلبي اللي غرس فية الزمن الف ناب=كل ماقلت هانت زادت شطونها
كل ماقلت بانت عوّدت للسراب=اليالي تحدا القلب بغبونها
كيف ابرقد وانا عيني ملاه التراب=كيف انام وعيوني ماتبى أجفونها
لو زماني كويس ماعلينا مصاب=ولا على النفس من ناس"ن" يعذلونها
لكن المشكلة طير"ن" كفخ والغراب=ازعج"ن" في نعيق"ن" حال من دونها
سجسج الشوق في قلب"ن"عن الغي تاب=وصفّرت نود ليل"ن" تسحب لحونها
الهجوس أشلعت بي صوب ذيك الهضاب=بين برد الموّدة ودافي ردونها
يوم انا والغلا كنا بعمر الشباب=نحلم أحلام وردية ونبا نكونها
أذكر انه تقول: أن خاطرك يوم طاب=من هوايا لا تنسى أيامنا شلونها؟
واذكر اني تلعثمت بهذاك الجواب=ثم كملت هرج العين لعيونها
وامسكت كفي بكف"ن" زهاه الخضاب=وعاهدتني تصون العهد ولاخونها
وافترقنا وحنا ماحسبنا حساب=ان فرقانا سنين العمر مضمونها

ماتوقف حيـاة النـاس لحظـة عتـاب
.............ومايوقـف عليهـا غيـر مجنونـهـا
قلبي اللي غرس فية الزمن الـف نـاب
.............كـل ماقلـت هانـت زادت شطونهـا
كل ماقلـت بانـت عـوّدت للسـراب
...........اليـالـي تـحـدا القـلـب بغبونـهـا

المشاركة الأصلية كتبت بواسطة أبو خـ البجادي ـالد (المشاركة 845369) والمشاعر تجر الحرف رغم المصـاب مـن معاليـق قلبـي جـرت لحونهـا قصيدة احترت وش اختار منها فكلها روعة في روعة المشاعر تجر الحرف فعلا تجره رغم الصعاب ومن معاليق القلب , هذا ابو يوسف للإبداع مقر وللحرف رائد ومهندس ,, لله درك وصح لسانك ..

المشاركة الأصلية كتبت بواسطة خلف الجابري (المشاركة 845500) ابويــــــوسف صح لساااانك وننتظر المزيد تقبل تحياتي,