|
يابوي لا تبكي
يابوي ليه تبكي كل ما شفتك وعينـك لـي ؛،؛ تخاف أموت يابوي ... وقبل المـوت تبكينـي كفا يابوي لا تبكي وأنا موجود معك وحـي ؛،؛ أجل بعد الرحيل أشلون فـي قبـري توطينـي ابوي لو تموت الناس ماتسوى دموعـك ذي ؛،؛ وأنا يابوي ميت قبل أمـوت وأنـت محيينـي قسم بالله يابوي لجل عينك شربـت الغـي ؛،؛ جرعت الهم والحرمان وبحـر الويـل يسقينـي تحملت السنين اللي طوتني في عاذبي طـي ؛،؛ وصار الجمر بكفوفي .. وتحت أقدام رجلينـي يابوي ماعلى عمري حسافه ولا بقا بي شي ؛،؛ ولكـن بطلبـك يابـوي تكـفـا لا تخليـنـي يابوي مابي غيرك يغسـل جثتـي بالمـي ؛،؛ وتكفا قبل لا أتكفـن .. يابـوي فكلـي عينـي بأمر الله يمكن ألمحك وأرحل في عيني ضي ؛،؛ وودع وجهك الطاهـر مـع دنيـاي وسنينـي وخل الناس تحملني وترفع راسي ورجلـي ؛،؛ وتأخذني على قبـري وتكسـب أجرهـا فينـي وأذا جيت القبر يا بوي نزلني شوي شـوي ؛،؛ ووجهنـي لبيـت الله .. وقبلـه المصليـنـي وحط الطين وأدفني وعز اللي يعـزي فـي ؛،؛ ثلاث أيـام يابـوي .. يواسونـك المعزينـي ورابع يوم يا بوي تذكر .. ضحكتي وعني ؛،؛ تذكر وش كنـت أقـول يـوم أنـك تنادينـي تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحينـي تذكر جرة الموال وصوت في حبالـه كـي ؛،؛ تذكر يوم أغني لك قصيـدي وانـت توحينـي تذكر ضحكتك لا قلتلك يابوي عشقي هـي ؛،؛ تذكر كم قصيـدة خافيـه مـا بينـك وبينـي تذكر كل شي كان وأذكـر يـوم انـا حـي؛،؛ ولكـن أسـالـك بالله يـابـوي لا تبكيـنـي |
والله القصيدة اثرت في نفسي وخاصة لانها تتعلق عن الاب
تسلمي وكلك ذوق عيون فزاع |
شروق
صح لسانك ويسلم ذوقك عورت قلبي قسم بالله تحياتي لك |
عيون فـــــــــزاع:
الله يسلمـــــــــك.. شاكره لك مرورك الطيــــــب ياغاليتـــــــــي. |
البــــــــــــداح:
شكـــــــــرا لمــــــــروروك العاطـــــــــر الكريـــــــم. |
قصيده تووووجع
صح لسان الشاعر وتسلم يمناك .. شروووق .. . . |
كفا يابوي لا تبكي وأنا موجود معك وحـي ؛،؛
أجل بعد الرحيل أشلون فـي قبـري توطينـي . . . تذكر يوم كنت أنام في ظل النخـل والفـي ؛،؛ تجي يمي تصب الما..على وجهي وتصحينـي تذكر جرة الموال وصوت في حبالـه كـي ؛،؛ تذكر يوم أغني لك قصيـدي وانـت توحينـي تذكر ضحكتك لا قلتلك يابوي عشقي هـي ؛،؛ تذكر كم قصيـدة خافيـه مـا بينـك وبينـي تذكر كل شي كان وأذكـر يـوم انـا حـي؛،؛ ولكـن أسـالـك بالله يـابـوي لا تبكيـنـي . . . . شرووووق يعطيك العافيه كلمااات توجع القلب!! صح لسان شاعرهاااا و تسلم يمينك ياغاليه تحيااااتي |
سديم الخير:
اللـــــــــه يسلمــــــــــــك شاكره لك مرورك ياغاليتي |
ليدي منتدانا:
يسلمــــك ربي سعدت بمرورك العذب العاطر.. |
الغالية ( شروووق الإبداع ) هلا والله وغلا ومرااااحب فيك الله يعطيك الصحه والعافية تسلمين ويسلم لنا ذوقك الراقي والمتميز ولكن هنا!؟ وقفه وتأمل وإمعان في ما تعبر عنه هذه القصيدة وعن من تحاكيه وتحاوره ببيان وذكريات العمر الفائت وكلمات تنزف وتتدفق منها الألام والأوجاع التي لا يتحملها بشر. قصيده في مجملها ومعناها جعلت لساني يتلعثم عجزاً وهولاً عن إكمال الرد....... فعـذراً تقبلي مني كل الود والتقدير |
| الساعة الآن 55 : 10 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]