$$ اشتاق لك شعري $$
 

[c]
اشتاق لك شعري

مو بس أنا مشتاق حتى الشعر مشتاق
وكل المشاعر يا غناتي حيل مشتاقه

باقصى خفوقي لك غلا يهز الأعماق
والنفس لك يا غايتي بالحيل توّاقه

وحشتني والبعد ياهو منك حرّاق
خلاص أنا ما عاد لي في بعدكم طاقه

الله لا يسقي فراقك 00 أصعب فراق
والله يعين منهو حبيبه ينوي فراقه

تعبت أنا يا شوق من صبري والأشواق
ودموع عيني من على الخدين دفاقه

اشتاق لك شعري وخذ لك منه ميثاق
ما يشكي لغيرك حبيبي كل أشواقه

إنت الوحيد اللي سكن في قلب عشّاق
وإنت الوحيد اللي المشاعر فيه منساقه

أرجوك ترجع لي ترى ما عاد ينطاق
بعدك وهجرك 00 والتلاقي مبطي اشراقه


عشّاق

http://qe9ayed.jeeran.com/algowafe.gif
[/c]
[waver]http://xeer.jeeran.com/eshtaqlek_she3ry.wav[/waver]

وحشتني والبعد ياهو منك حرّاق
خلاص أنا ما عاد لي في بعدكم طاقه

الله لا يسقي فراقك 00 أصعب فراق
والله يعين منهو حبيبه ينوي فراقه


الله الله عليك
صح لسانك
أبيات رائعه بحق

تسلم ويسلم شعرك

تحياتي لك
طارق

عشاق

صح لسانك والله يعطيك العافية

في انتظار جديد الرائق

وسيل ............

عشــــــــــــــــــــــــــــــاق
رااااااااااااااااائعه جدا
الله يعطيك العافيه
لولوة

[c]
صح ابدنك اخوي طارق واشكرك على حضورك وتعقيبك :) [/c]

[c]
وسيل :)
اشكرك على مرورك الجميل وربي لا يحرمني :) [/c]

[c]
أختي لولوه :)
الروعة اختي في تعقيبك وثناءك الجميل وإن شاء الله اكون دائما وابدا عند حسن الظن :) [/c]

إنت الوحيد اللي سكن في قلب عشّاق
وإنت الوحيد اللي المشاعر فيه منساقه


ماأقول الا رائــــــــــعة ..
صح لسان الشاعر
إختيار موفق ياعشّاق
كلك ذوق

آسفة ياعشاق ؛؛؛؛

بس اللي خلاني أقول لغيرك ..

القصيدة مصاحبها صوت أسير الشوق ....يقرا القصيدة .....

الا اذا كنت مسجلها بصوتك مدري ؛؛؛:confused:

بس بصراحة تجنن ...

ولا تزعل صح لسانك ..