|
لا تحسب إنك يـــــوم رزوك تسوى !!!!
أبيات متواضعه
أقدمها لكم على أمل أن تنال رضاكم و إستحسانكم لا تبخلوا علينا بالنقد الهادف فبنقدكم نتقدم للأمام أشكركم جميعا مع خالص التقدير و الأحترام
الحر ما ينفر من طْيورشلــــــــوى=يا طــــــايرٍ غرد و خلـــّى وليفــــــــه الله بلانــــــا فـــــــــي محبتك بلــــوى=وهمومنا قبل المعرفــــــه خفيفــــــه لا تحسب إنك يـــــوم رزوك تسوى=لولاي أعزك ما سويت النصيفــــــــه منتـــــــاب ملزومٍ عليــــّـــه تنحـوى=كنك مديرٍ زاهـــــــدٍ بالوظيفــــــــــه الي تبي ياصلك من دون دعــــــــوى=وريح ضميرك من عــذورٍ سخيفــــه وإن كــان مابك خشيه و فيك تقوى=وغرك جمــــالك و الثمان الرهيفــــــــه أو صار لك نفسٍ على البعـــد تقوى=قلها علن و أبشر بدسم الطريفــــه ومالي لغير الله مناصٍ و شكـــوى=ومن عافنا عفنـاه وأهله و ريفـــه ولــو بان فيّه للعرب منك مكـــــوى=قلت الهـوا يشخف خشومٍ منيفــه |
اقتباس:
شموخ فخر كبرياء ياساتر..!!:( صح لسانك وسلم لنا مداد قلمك ايها الشاعر |
\\
حلوه ! ممتازه !! بس آفتقدت آلحب !! كيف تحبهآ وتقول لآ تحسب يوم رزوك تسوى !! يعني حبك مآ يسوى !! يآ سيدي ههههههههه مقبوله .. يعجبني آلحب آلمتمرد يعني ميت فيك وتفوو عليك !! رآئعه وننتظر جديدك \\ |
اقتباس:
عوافي يا شروق و لا فخر و لا كبرياء و القهر يعمل عمايله شكرا ع المرور و المشاركه الحلوه |
اقتباس:
شكلك متعاطفه معها بلا حدود هههههه قصدي : لولاي كان ما تسوى عندهم شي < شايف نفسه و في النهايه تتكبر علي و تتركني أثر الحب واضح في البيت الأخير لكن مالها الا كذا القصيده من الخيال و علشان كذا طلبت رأيكم و نقدكم و ما قصرتوا طيبتوا خاطري بالردود الزينه مشكورين كلكم و يا هلا فيكم |
شهادتي فيك مجروحة خيووو
دايم مبدع الله لايضرك وكالعاده قصيدتك رائعه : ) صح لسانك |
اقتباس:
و شهادتك أعتز بها و لو كانت مجروحه تسلمين و شرفتينا بمرورك العطر تحيـــــــــــــــــاتي |
شاعرنا الكبير
سلمت يداك وبيض الله وجهك قصيدة جميله جزلة من جزل اعذر لي جهلي مامعنى تنحوى منكم نتعلم استاذي لك مني صادق التحايا |
اقتباس:
و انت أستاذنا الأول و العين ما تعلا على الحاجب و لا أحد يلام على جهله باللهجه العاميه لانها تختلف من قريه الى قريه ؛ فما بالك و نحن في منتدى يرده الناس من مختلف الأوطان كلمة تنحوى فعل ماضي بمعنى تنعفق يعني لا يعجبه شيئ و هي ماخوذه من التنحوي اي تغيير النواحي و الاتجاهات اشكرك على حضورك و مشاركتك البناءه تقبل تحياتي |
مع اني لا افضل الشعر العامي ولا اتذوقه كما في الفصحى الا اني اعجبت بشعرك
سلمت اناملك شاعرنا................... |
| الساعة الآن 52 : 02 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]