|
طلب مساعدة من أعضاء الوئام
.. بسم الله الرحمن الرحيم السلام عليكم ورحمة الله وبركاته مساءكم فل وكادي ياأعضاء الوئام بصراحة .. أنا ناخيتكم بموضوع أتمنى تساعدوني فيه فيه عندنا بالمدرسه يوم مفتوح راح يقام بعد 3 أسابيع وراح يقـيّم عمل المدرسة في هذا اليوم على مستوى مدارس المنطقة من قبل مشرفات النشاط المطلوب من المدرسة عمل مايشبه ( المجلة السمعية ) تحتوي على كلمات وأناشيد ومشاهد وتوزيعات على الحضور وما إلى ذلك ..... والمطلوب أيضاً إختيار موضوع لهذا اليوم المفتوح يقام على أساسه الحفل حيث تتضمن المسرحيات والكلمات وما إلى ذلك هذا الموضوع حنا لهذا الوقت إخترنا موضوع ( الأخوة في الله ) طلبي منكم - أولاً .. موضوع آخر يكون غريب وبنفس الوقت مفيد جداً بحيث لو أعجبنا الموضوع الجديد كنسلنا القديم .. - ثانياً .. نريد كلمات وأناشيد ومشاهد وحوارات ومسرحيات جديدة ومبتكرة مناسبة للموضوع المذكور - ثالثاً .. نريد أفكار جديدة لطريقة توزيع الحلويات والكروت الدعوية على الحضور .. هذا ماأريدهـ منكم بارك الله فيكم بإنتظار إبداعاتكم وصدقوني ماحطيت الموضوع في منتديات الوئام إلا وكلي ثقة بقدرات الأعضاء وبأفكارهم المميزة شاكرة لكم مقدماً .. |
يمديكم في ثلاث اسابيع ..:h الله يعينك وانتي تخلصين من تنسيق حفله وتطيحين في حفله ثانيه :curtain: من عيوني.. بس اولا اقتراح : ارى ان الافكار ترسل لك عالخاص.. الفترة قصيره.. وزري منتي تبحثين في النت غيرك يبحث.. يعني احتمال احدى المعلمات في احد مدارس منطقتكم يقودها قوقل لهذا الموضوع اللي يسمعني يقول بنخترع ذرة..:furious3: بس برضه ماودك تصير فكرتكم مستهلكه .. طبعا انا قلت هالكلام لانك قلتي منافسه على مستوى مدارس المنطقه..ومحدده بزمن .. لو كان الامر غير ذلك .. لاصريت ان تطرح الاقتراحات هنا ليستفيد اكبر كم من متصفحي النت والمسؤلين عن نشاطات المدارس.. امممم اذا ودك بطرح اقتراحاتي هنا.. ثانيا : المسرحيات الاناشيد الكلمة ال ال ال هذي لاتفكرين فيها الحين .. ماراح تعوق معاكم اذا اخترتم الموضوع.. اذا رسيتوا على موضوع يهون كل شي.. ممكن حينها تستعينون بأي شخص يألف مسرحية ومشاهد.. وثاني شعر ووحده من طالباتك تلحن ووووو.. حاليا استعيني بالاستاذات والاساتذه اللي عندنا بالمنتدى.. المحمدي - مخاوي -دارك برنس على فكرة دايم النشاط الطلابي اقوى من نشاط الطالبات... يعني عليكم فيهم يااضواء..هههههههههه:party2: لولوة الغامدي-زهرةبنفسج لولوة ماهي عندك في المنطقه اساليها.. وزهرة بنفسج خارج المملكه اتوقع بتحصلين افكاار روووعه من مدارسهم بالنسبه لموضوع الاخوة في الله حلو.. لكن ارى ان تنظري الى المدرسة والطالبات اولا وتختار ي موضوع يهمهم في ايطار ضيق.. فمن ثم تقارينه على صعيد المجتمع اذا اصبح الموضوع دارج حساس اعتمديه.. واذا كان لايهم الا نطاق المدرسه اتركيه.. ولاحظي دايما المواضع التي تهتم بالعاطفه يكون عليها اقبال وغالبا هي اللي تنج لانها تخاطب مشاعر.. مثلا ولو انها مستهلكه وماتصلح بس اضربها لذات المثال (عقوق الوالدين - الام ) فهمتي ايش اقصد بعاطفي ؟؟ برضه في نقطه.. انا اعرف واجعليني انشرها ليستطيعو مساعدتك.. انتي معلمه في مدرسة ثانويه .. ايش اهتمامات طالبات الثانويه .. ايش المشاكل اللي تصاحب هالفئه العمريه.. وظفي اللي تلقينه بحيث انه يشمل المجتمع ..ويلامس شغاف القلوب... اضــــــــــــــــواء: اعرف اني في ردي هذا ماقدمت لك اقترحات ولا ساهمت.. بس ترا انا افكررر معاك بصوووت عاااالي.. يعني انا نفسي ماادري ايش ممكن تختارين ؟؟..بس اكتب مايجول...وصدقيني الا ماتطلعون بفكره حلوة. بإذن المولى.. عموما حتى اذا زميلاتك او طالباتك اقترحوا افكار واعتمدتوها اعطينا خبر عالاقل نساعدك في التقديم وكتابة سيناريوهات المشاهد.. بالنسبه لتقديم الهدايا والبطاقات.. هذي لعبتك ياابله اضواء :( لي عودة بإذن الله.. |
..
. ومــاله يــاحلوه نفكر لك .. أصلاً قاعدين وفاضيين وجوعانين http://www.mahroom.net/vb/images/icons/icon10.gif لـكن الأخـوه بالله .. موضوع عكسي للأعجـاب .. وأذكر أيــام الثــانوي كـان أكره موضوع عندي هالموضوع " طقت كبد" .. ولأن مـالي فيه لا " ناقه ولا جمل" ..! فيـاليت تفكرون بموضوع ثـاني .. مثل " البر بالوالدين" .. او " الكسل " .. او أي موضوع جديد عليهم .. وبفكر لك ان شاء الله بموضوع تمام وجــاري التفكير . .. |
. . وعليكم السلام والرحمة .. مساء الياسمين والورد والعنبر .. هلابكـ اختي أضواء.. اذا تكملنا عن الموضوع الاهم دائما والافضل بالرأي موضوع يكون مهم بالنسبه لطالبات .. احذري من المواضيع التقليديه والتي تسمع هنا وهناكـ >--- متعقده ايام المدرسه :laugh2: يعني موضوع يتكلم عن أحلام الفتياتـ .. عن طموحاتها عن رغابتها .. مدري يمكن تبي تقولين قديم او شئ كذا .. بس صدقيني موضوع يتكلم عن اشياء عامه اشياء قد تناقشت منذ قبل او مواضيع ليست شيقه ماراح احد يسمعها ابد >>--- انواع الاحباط :rolleyes: صراحه حالياً مافي موضوع في بالي .. بس ابحاول ان ابحثـ عن موضوع شيق وفيه استجابه من جميع الطالبات .. ومن الموضوع هذا نقدر مثلا نجيبـ مسرحيات مشاهد وكلماتـ عموما تقبلي مروري هنا .. وان شااءلله الجميع سيساعدكـ لمسات وردية |
اقتباس:
يسلم بؤك .. بالضبط عبرتي بجمله وحده ...عن اللي كنت الف وادور حوله في ردي من ساعات .. هههههههههههههههههههههه عن أحلام الفتياتـ .. عن طموحاتها عن رغابتها لمسات لله درك... |
|
..............
... والله تستاهلي من يفزع لك يالأميرة وبيَض الله وشَشَ من فزع ... |
مدام السالفة حفلة
انا بفزعلك بالعصيروالشوكلاتات <<<<<< مابراسها الا الدجه |
..
أهلين شروووق يلوموني بحبك يابنيّـة كلامك يشرح الخاطر ويبرد القلب ماقصرتي يالـغــــــــــلا بالنسبة للموضوع اليوم بالمدرسة جالسين نتناقش على الموضوع الأساسي اتفقنا أخيراً على موضوع ( بر الوالدين وعقوقهما ) على قولتهن الموضوع أشمل ونقدر نلقى له برنامج كامل بسهولة قلت لهم أنتم خيطوا وأنا ألبس هههههههههههههه يعني الموضوع صار ( الوالدين .. برهما وعقوقهما ) المطلوب الحين كلمات .. أناشيد .. مواقف .. مسرحيات .. توزيعات .. كل ماعندكم من أفكار حطوها هنا أعتقد موضوع الرسايل الخاصة فيها شقى للبعض خخخخخخخ عشان كذا نحط الموضوع هنا مو مشكلة ألف شكر لك ياغالية ماقصرتي بإنتظار عودتك مرة أخرى .. |
..
أهلين متعاطفة فكرنا ببر الوالدين ووافقوا عليه بس أنا ماعجبني الموضوع لأني أحسه موضوع متكرر دايم .. يعني مستهلك كان نفسي بموضوع غريب ومفيد بنفس الوقت لكن إذا ماحصلنا مالنا إلا بر الوالدين أشكرك ياصقيقة أختي ماقصرتي هههههه منورة الموضوع وبإنتظار عودتك مرة أخرى .. |
| الساعة الآن 23 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]