للترف خيلٍ غدا مركاظها صدري = وطيور شوقي غدا مقيالها عيونه
لبا جفونه ولبا طبعه الخدري = ولبا سوادٍ رقد في خَدّري جفونه
أثره بضحكة سنونه حافرٍ قبري = و لا كنت أظني بأموت بضحكة سنونه
شرهة متونه على شلالها الخمري = وأن نَثّرته الهبوب مرده متونه
جيت أجبر الكسر لكنه كسر جبري = مجنون والحظ ساقه يم مجنونه
يتفنْن بلوعتي وأتفنْن بصبري = حتى غدت لوعتي من أجمل فنونه
لا رحم أبو الحظ ساق الهجر من بدري = شَيّـد جسور الجفاء من دوني ودونه
وأقفيت لاني كفيف ولاني بصري = إليا منعني الحياء ساقتني المونه
هجمت أسوق الخطى بالدرب وأهذري = تكفون ياللي خذوا خلي تردونه
أبطى وخلا سؤالٍ يلهث بصدري = مدري يصون الغلا مدري هو يخونه
ويوم أني أسج بين أدري وما أدري = عقب البطا جاء يقول الدار وش لونه
قلت أنت دارك هنا وأشّر على صدري = قال أنت دارك هنا وأشر على عيون