ليـــــــــــــــــه
 

ليـــــــــه ..!!!

هذا هو اللي تبيه .. ؟؟
اني ارحل من حياتك
واشعل عيوني بــ ليه..!!
بس خلاص ..!!

هذا هو اللي قدرته ..؟
وقدرك ربي عليه ..
بذمتك هذا كلام ..؟
اني ارجع من جديد
ارجع افرش كل تعب
عمري وانام ..

زين لحظه..!!
لااسالوني الناس وينك ..؟
وان درو ضحكة عيونك
عن عيوني سافرت
ردت لعينك ..

بذمتك قول ..
وش اقول ..؟
قول قول قول قول
الله يخرب بيت بيتك
توني يادوبي بديت
بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟

ياخي حس ..!!
والله عيب اللي تبيه ..
اني ارحل من حياتك ..
واشعل عيوني بــ ليه ..

لاجبينك شمس واحساسك مطر ..
لاعيونك شوق وشعورك دفا ..
جبت لك بـ ايدي ..
ابتسامات العمر ..
ليه تكسرها على اطراف الشفا ..؟؟
شوف ..!!
بعثرني احتياجي بالنظر..
شوف ..!!
وجهي امتلا منك بــ افا ..

ماتجي منك ..
ولكن يابشر ..
منت اول من طعني بالجفا
ابرا منك كل جروحي بالسهر
ولاافكر من ورى قلبك شفا
ول ياقلبك ..!!
مايجيب الا القهر ..
ول ياعمرك ..!!
ماعرف طعم الوفا ..

والا انا ..!!
مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..

هذا هو اللي تبيه ..؟!!
وهذا هو اللي قدرته ..
وقدرك ربي عليه ..

بذمتك هذا كلام ..؟؟!!
اني ارجع من جديد..
ارجع افرش كل تعب ..
عمري وانام ..

وين اروح ..؟؟؟
شلون اجيب لقلبي المجروح .... روح
هذا هو اللي تبيه ..!!
.*.*.*.

الشاعر / سالم السيار

رد: ليـــــــــــــــــه
 

رد: ليـــــــــــــــــه
 

بعت عمري واشتريتك
خطوه خطوه واشتريت
توني باطراف البدايه
مدري وشلون
انتهيت ..؟
---------------
يا سلام على هذا الكلام روعة الأحاسيس
تناثرت بين السطور فكانت من أجمل الخواطر
تسلم اناملك ملك الحب

رد: ليـــــــــــــــــه
 

ملك الحب

لافض فوك


ابداااااااااااااااع


بكل ماتعنيه الكلمة من معنى


بصمة مميزة

واطلالة تقطر عذوبة


كم اسعدني مروري هنا


لك مني


صادق التحايا

رد: ليـــــــــــــــــه
 

مثل النهر ابقى نهر..
من تحوسه ترجع تشوفه صفا ..!!
فيني والله احساس لامنه ظهر..
يشعل ضلوعك اذا قلبك طفا ..

يعطييك ربي الف عافيه ..

مبدددع يا ملك مببببببببببدع ..

كلماات رائعه خطت على أواق من ذهب ..

تسلم يمناااك ..

دمت لنـــا بخيــــر ..

رد: ليـــــــــــــــــه
 

رائعه هالخاطره للشاعر سالم السيار

صحت مشاعرك وسلم منقولك

تحيتي

رد: ليـــــــــــــــــه
 

ملك /

رائع مانقلت لنا

كلك ذووووق

رد: ليـــــــــــــــــه
 

..................

..

ملك الحب

اولاً : شكراً لاختيارك الموفق لقصيدة الرائع سالم سيار

ثانياً : عذراً للتعديل . فقد قمت بالتعديل من اجل اضافة اسم الشاعر

ثالثاً : حفاظاً على الحقوق الأدبية يرجى الاشارة لاسم الشاعر او عبارة منقول على الأقل

رابعاً : اهنئك على هذا الاختيار الموفق وعلى ذلك الذوق الرفيع

كلك ذوق

...

رد: ليـــــــــــــــــه
 

شكرااالكم
ع روووعة حضوركم
الجميل
واسعدني مروركم
العطر
تقبل تحياتي