قالوا لي أكتب لا تكب الكتابة=ليش الكتابة ذنب يوم أنك تتوب
عطنا الجديد اللي ضميرك بدابه=ويابن الحلال الناس مليانه ذنوب
قلت الله الله قولكم مرحبا به= بس الغزل من دونه الباب مجذوب
بنصور الواقع ونحسب حسابه=قدام يومٍ فيه غالب مغلوب
كلٍ يجهز للملاقى زهابه=والموت كاس ولو بعد حين مشروب
وين النبي الهاشمي والصحابه=ووين الجدود اللي على شمخ النوب
ما باقي إلا الله عزيز المهابه=يسمع دبيب النمل لو مشيته دوب
من رحمته نزل علينا كتابه=وبين لنا المنعم عليهم ومغضوب
صلى المصلي طامعٍ في ثوابه=وزكى وصام وحج له فرض مكتوب
وفي الثلث الأخر ساعة الإستجابه=ساجد ويدعي واحدٍ يقبل التوب
يوم المنافق ما خشي من عقابه=ما يدري أنه مع هل النار مطلوب
هو ما سمع صوت الرعد فالسحابه=ولا شاف برقٍ يخطف العين لا هوب
عنده عصابه وش تفيد العصابه=وحبله بيد رب السموات مقضوب
الله إليا منه نوى العبد جابه= كافه ونونه تخفض وترفع شعوب
يالله طلبتك دعوةٍ مستجابه=في ساعةٍ تنصر بها كل مغلوب
زلزال في أسرائيل يكثح ترابه=وشارون يلقى فوقه البيت مقلوب
ومقياس رختر ما يحدد حسابه=ويدرج وطنهم تحت أسم شعب منكوب
ويرجع لنا الأقصى ومفتاح بابه=حقٍ لنا من عدة سنين مسلوب
وأنصر جميع المسلمين الذيابه=وأن باعوا الأرواح في حق ماجوب
بأرض العراق البنت تنهب نهابه=قدام أبوها وأمها يفصخ الثوب
يهتك شرف بنتٍ عفيفه مهابه=لا لبست الضيق ولا لبست كعوب
بوش اللعين يهد فيهم كلابه=كم بيتٍ امسى عرض راعيه مغصوب
ويوم أن حمل البنت كلٍ درابه=ولا عاد فيها دس ياعم يعقوب
أطلق عليها اللي عطيب صوابه=ثم أنتحر فالحال والبيت مرعوب
بعض القصص تورد وفيها غرابه=لكن هذي قصة الشيخ يعقوب

منقول ولا أروع صح لسان قايلها وناقلها

سلمت يداااااك ولافض فوك كلمااات رائعة هادفه لاتفيك كل عبارااات الاعجاب حقك سجل اعجاااابي وتقبل تحيااااااتي

المشاركة الأصلية كتبت بواسطة altaaj الله إليا منه نوى العبد جابه= كافه ونونه تخفض وترفع شعوب يالله طلبتك دعوةٍ مستجابه=في ساعةٍ تنصر بها كل مغلوب زلزال في أسرائيل يكثح ترابه=وشارون يلقى فوقه البيت مقلوب ومقياس رختر ما يحدد حسابه=ويدرج وطنهم تحت أسم شعب منكوب ويرجع لنا الأقصى ومفتاح بابه=حقٍ لنا من عدة سنين مسلوب وأنصر جميع المسلمين الذيابه=وأن باعوا الأرواح في حق ماجوب