نور على نور !
أسعد الله أوقاتكم بالخير والمسرات
أساتذتي وأحبتي لا أجد ما يشفع لي في غيابي سوى هذا النص من الجديد أتمنى أن يصل لذائقتكم وأن يشفع لغيابي ولكم مني أجمل التحايا وأعذبها نور على نور قمة شعور وقمة الشاعرية=لاجيتني يانور . . نور (ن) . . على نور يسعد مسا ليلاتك العامرية=ما ضّفّت الجنحان . . جنحان عصفور مابغى هدية . . شوفك أكبر هدية=هو فيه أحد يشبع من البيض .. مقشور ؟! لولاك ماغنيتها . . راعبية=ولولاك ماصفيتها . . صف طابور ياسيد سادات القلوب الوفية=يامرتكز باقصى المعاليق . . مسمور يا أصدق ميانات الخوي مع خويه=لا قابله صدفة على باب مهجور ماكنت اصدق فكرة الجاذبية=ولا كنت قبل اعرفك . . محتاج دكتور حتى اعتراني من غرامك خطية=واصبحت مذنب قدم نفسي . . ومعذور ولو ينتعالج عنك فالصيدلية=ماشفتني يوم أزعج . .الآه .. مقهور تكفيك مني مزنةٍ عقربية=مالازم العب لك على سبعة بحور تعرف غلاك ولهفة الشوق فيّه=وأنته طبيب ولمستك لاعبه دور خذني من اطرافي . . شوية شوية=أستغفر الله العظيم أنتهى الدور ! بغيت أفجّر . .قنبلة فارسية=متشبعة يورانيوم . . عدّها تثور ! وأمنّتّها بالحارسات الذكية=ولا تنحسب كلمة . . وهي وسط حنجور تقدير للشجعان . . والشاذلية=وآخر . .من يصفق . . إذا فيه . . جمهور! هذا الهوى وأفعاله المنطقيه=راعيه لازم تلحقه بعض الآ مــور . . ! تمت على محمد صلاة وتحية=ولافيه مثل الله . . (نور‘ على نور) وسلامتكم |
رد: نور على نور !
الله عليك يالتاج
صح لسانك مليون ولا يسدون قصيده في قمة الابداع والشاعريه الشاعر التاج صح قلبك وفكرك |
رد: نور على نور !
...................
... نور على نور وابداع على ابداع ابدعت وكفيت ووفيت وبيّض الله وشّشّشّك بس لو فكيتنا من البيض دامك تعرف تأثيره على اللي عندهم حساسية من البيض وما" شابه له " :cheesy: |
رد: نور على نور !
بيّض الله وجهكـ يالتااج
تاج الشعر صـح لسـآآآنكــ خاالي مبدع كـ العادهـ لاعدمنا هالتااج :( :: |
رد: نور على نور !
استاذي التاج
شهادتي بك مجروحه علم من اعلام الشعر وقمة من قمم الوئام كم يشرفني مروري هنا لك مني اخي الحبيب كل الحب |
رد: نور على نور !
عازف الإيقاع
لاعدمتك ولاهنت على تشريفك |
رد: نور على نور !
وافينا
لاهنت ياتاج راسي على حضورك الوافي اقتباس:
لا ياطويل العمر المسلوق مامنه مضره إن شاء الله لاهنت أخوي |
رد: نور على نور !
المتهور
حياك بناخي ولاهنت |
رد: نور على نور !
المحمدي حسن
مرحبا بك وأنا والله لي الشرف لاهنت ياحسن وافي دائماً وشهادتك وسام شكراً لمرورك الغالي |
رد: نور على نور !
الأخ الغالي (( التـاج )) صح لسانك مليون وسلمت يمناك وبيض الله وجهك على هذه الراائعة وستظل شاعر مبدع ومميز كما عهدناك وعسى ربي ينور عليك يابعدي تقبل مروري المتواضع كل الود والتحايا أبو عادل |
الساعة الآن 08 : 09 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas