بقالة الجابري..
ياصباح الورد..
تم وبحمد الله افتتاح دكان خلف بعد مدة من الانتظار.. وان مابعد الصبر الا الفرج.. طبعاً الدكان يبيع كل ماهو جديد.:grin2: فطيرة لوزين وسن توب وعلوك والمصاصات الحمراء الي جواتها علك والفش فاش الاحمر وفش فاش جحا ,يعني الرجال ماشالله تعب وانتج.. طبعاً بصراحة انا ماخذه عليه ماخذ انه يبيع حمام مثلج ولان الناس ماتاكل حمام فصار يطلعه لبساس الحارة فتنفخت وصارت تتلوى من التعب ثم تلقى حتفها فتخيس المكان الي فيه ,وصارت الحارة ريحتها بساس ميتة والكل يجهل السبب وخوفي يدرون فيلصقون دكانه باللصيق الاحمر.. طبعاً تدرون ف خلف مايحب المدخنين فلااحد يحرجه ويقوله بيع لنا سجاير,بس يبيع تتن وحشيش بس مع الاسف تخزينه شين فانصحكم ماتاخذون من عنده.. مالكم بالطويلة وحياكم في بقالة الجابري لصاحبها خلف م'ير الحمام.. وحاولي تشترون من عنده كثير قبل ماتجي البلدية وتشمعه لان الله يهديه عدته عدى عليه دهر وهي عنده , والا الله يهديك يوم نويت تعمرلك بقالة خليتها جانبية كانها وحده مسوية جريمة وتندس ماحد يشوفها؟؟؟:d: لكن الله يرزقك.. وهذا نظره على بقالةالجابري الي كل صباح امر من عندها واشوفها.. . http://www.y4yy.net/images/90579953613368305360.jpg . طبعاً مثل تلاحظون الرجال يبين لكم انه قاعد يشتغل ومسوي انه مايدري انه يتصور:grin: والبلوك الي جنبه لزوم التوسعه لدكانه في المستقبل فلا احد يتعبث به.. طبعاً بخصوص المكيف هو حالياً مكتفي ببراد الثلاجات الي عنده بس باذن الله اذا شريتوا من عنده وكسبتوه بيجيب مكيف:d: التوصيل مجاناً يعني ماقصر الرجال وماامدانا نصور السيكل الخاص بالتوصيل لكن هو يطمح في المستقبل يجيب دباب التوصيل ,فمثل ماقلت كسبوه وهو يجيبها..:grin: لذا رجاااااااااااء خاص اول ماتدخلون ادخلوا بيمناكم.. وسموا واذكروا الله ترى العين حق.. والله الله بالهدية السنعه:grin: |
رد: بقالة الجابري..
ههههههههههههههههههههههههههههههه رهيبه غزولتي اثري الرجال جميع مواده منتهيه يبي يصرفها لي وانا اقول وش هالكرم اللى نازل عليه ودايم يقولي تعالي انتي وعيال جيرانكم |
رد: بقالة الجابري..
/
هذي آخرتها ياغزالة !! ينعل ام النذالة ياشيخه لي عودة وراح اقول لكم سالفة التموينات من ايام ماكانت لغزالة قبل ماتورط خلف فيها هين ياغزالة هين :beadyeyes / |
رد: بقالة الجابري..
اقتباس:
اجل لو تسممتي وش اسوي انا وقتها وانا ماعندي موية غريب اسقيك اياه:d: |
رد: بقالة الجابري..
اقتباس:
وش عندك تحامي عنه؟؟ صدقني لو تسوي ماتسوي والله ان يدفعك قيمة الفصلص والحمضيات فخلك معنا ما راح ينفعك.. وانا ماابتليت عليه هذه الصورة شاهده والصورة تكون اعبر من الكلام.. >>>تعال نتفاهم انا وياك بعيد ولك مني كيس بطاطس خل:grin: |
رد: بقالة الجابري..
أشكرك أختي غزالة الجنوب لطرح هذي المعلومات عن "بقاله الجابري"، والتي اسمحي لي بأن أقول بأن بعضها غير دقيق (يمكن رز)، وبودي أن أذكر بعض المعلومات الدقيقة عنها. أولاً: عنوان موضوعك وهو "بقالة الجابري" لا يتطابق مع الواقع، لأن اسم المحل هو "تموينات الجابري" وهو فرع صغير من سلسلة تموينات الجابري الكبيرة – اللهم لا حسد- والمكونة من 73 فرعاً داخل المملكة من أهمها وأكبرها فرع منفوحة بالرياض، وفرع السبيل في جدة، وفرعين خارج المملكة متخصصة ببيع الثلج في القطب الشمالي. ثانياً: تتميز هذه السلسلة بتوفر كافة أنواع السلع في مكان واحد حيث نجد المواد الغذائية المعلبة والمكشوفة، وقطع الغيار والأدوية والطيور بأنواعها إضافة إلى مطابخ المندى والرزوز بأنواعها المختلفة، وكذلك أجهزة الاتصال والكمبيوتر والتي تقع مجاورة لقسم الفول والتقاطيع . ثالثاً: مما يميز سلسلة تموينات الجابري أيضاً، أن أسعارها أقل من غيرها من االأسواق وخاصة بالنسبة للبضائع المنتهية صلاحيتها. حقيقة، عندي معلومات وصور كثيرة عن هذه السلسلة الكبيرة والمتميزة ولكنني أخشي أن تُعتبر دعاية لها ولهذا أكتفي بما ذكرت، متمنياً لأخي العزيز خلف كل التوفيق ولهذه السلسلة الانتشار والتقدم في كافة الأماكن ما عدى حارتنا وذلك لدواعي خاصة بالسلامة. أخيراً، تقبلي أختي غزالة شكري وتقديري لطرح هذا الموضوع المهم الذي يُبرز بعض المعلومات عن هذا الصرح الكبير. |
رد: بقالة الجابري..
اقتباس:
انتي ماذبحك مغير ذا الفطاير والعلوك والفشافيش:laugh2: اول شي وش اللي نقزك على بقايلنا تصورين وتنشرين بدون اذن وبعدين الكلام ذا من وين تجيبينه انتي ببطنك راديو:laugh2: شوفي كراتين مافيه انا داري كله عشان تجمعين الكراتين اقفاص لذا الدجاج اللي ماخذ عقلك لاتقربين بقاالتي والا اشوف خشتك حولها خلييك هناااااااك مع وصاويصك وصوصي:laugh2: اخوووص ياقناة الجزيره من يصدق علومك خربتي سمعت بضايعنا الله انه يرج بليسك رجا مبرحا. للمعلوومه ترا مانبيع دجاااااج والا نستقبل مربيه :( |
رد: بقالة الجابري..
اقتباس:
شريره ماصدقت خبر |
رد: بقالة الجابري..
اقتباس:
الحمد لله عندي محامي ووكلت وافي |
رد: بقالة الجابري..
اقتباس:
تشوفون كيف طلع الحق الحمد لله عرفتوالحين ان الدجاجيه ملخبطه حتى بالاسماء يعني نصابه مطوره . تصغر تجارتنا وتطرد المستهلكين . المحامون المحترموون. وافي وعبد الله. ابي يصدر حكم بحق الظالمه اولا مصادرة دجاجها وثانيا تسفيرها لدولة الصومال ورشها بويه بالاسود المفحم:laugh2: وصلى الله على نبينا محمد.. |
رد: بقالة الجابري..
ياجماعه الخير رحت ادور بقالة الجابري ولم اعثر عليها وجاني شخص اسمه سريع ابن عجلان وسألته عن البقاله المذكوره مع فروعها 73 والعهده على الراوي فقال لي انها نقلت بجميع فروعها الى قرية اطلب تجد الواقعه في الربع الخالي
من يعر ف عنوان هذه القريه حيث فيه تجار اكبار واصحاب وكالات يبون يطورون هذه القريه ويبنون فيها عماير ناطحات السحاب |
رد: بقالة الجابري..
اقتباس:
ههههههههههههههههههههههههههه تقول طيور ورز وجوالات؟؟؟؟ طيب وانا وش قلت قلت مخلي اشوية طوب لزوم التوسعه ولاالاخ ناوي ان شالله بيفتح محل تزويج الاوادم وتاجير طقاقت وصبابات وصبابين:d: معليش العذر منكم صغرنا سللسة شركته باسم بقالة:d: |
رد: بقالة الجابري..
اقتباس:
لان افضل مكان لها في ذيك الديرة,وابد اول ماتمسك خط الربع الخالي اول ماتشوف بعير سكران ولاضب يلف حشيش ولا عنز تبي تعرس على جربوع فاعرف انك وصلت:d: . ربي يسعد ايامك اضحكتنا... |
رد: بقالة الجابري..
اقتباس:
مااخبر الدجاج تقعد في كراتين اخبر الحمام هي الي تتصيد وتنحط في كرتون لكن ماراح اشره عليك شكلك خايف تصقعك عين فتتدهور تجارتك لكن الحمدلله الاخوة والاخوات ذاكرين الله ومن شدة ذكره مايقربون لدكانك:لقهى: من جدك يجون فينصرعون؟؟ حرام عليك اهاليهم يبونهم وبعضهم معيلين وانت تبي تيتم ورعان منذو نعومة اظافيرهم على ابوهم او امهم او تحرق قلب ام على ضناها؟؟؟:grin: اقولك لاتحارش ترى باجيب بلونات اعبيها اسمنت ومجرد مااحذفها على فتحة دكانك يتقفل واخلي بضاعتك تعفن صح..:stare:>>لايفوتك النظرات الحادة المرعبة<<<احب هالفيس:d: قال ايش قال يدفني من الدور الي ماادري كم.. اقول روح فصل نظارة جديدةعلشان ماتدعرم انت من الدور العشرطاعش:d: وترى الي شاد فيهم الظهر صدقني ان يسحبون عليك اذا شافوا الصدز |
رد: بقالة الجابري..
كأني سمعت أحد جاب سيرة اللي شاد فيهم رجل الأعمال الأستاذ خلف ظهره. ولهذا فإني أرفع هذه البرقية إلى الأخ خلف وأقول له فيها: أخي الحبيب خلف في هذه اللحظات العصيبة التي نتجت عن التهديدات التي تتعرض لها سلسلة تموينات الجابري من بعض القوى الخارجية ( متأثر من الأخبار اللي نسمعها هاليومين)، فإني أصالة عن نفسي ونيابة عن نفسي برضه أقول لكم سنكون معكم ولن نتخلى عنكم إلا إذا كنا مشغولين أو نائمين أو في أوقات الاختبارات > > > منتهى الشجاعة. آمل إرسال كرتونين "سن توب" علشان الأولاد. |
رد: بقالة الجابري..
اقتباس:
ليه طيب جبتهم يوم انك ناوي تسممهم؟؟؟؟؟؟ اهنييك على المرافعة الخسرانة وصدقني حدك بيجك من عنده علك ولااا علك اول ماتمضغه بيتلصق ويتصمغ في فمك وتقعد من غير فم مفتوحhttp://www.y4yy.net/images/19573350171318482385.gif |
رد: بقالة الجابري..
غزوله ماقلتي وين موقعه بالضبط بروح اشتري منه ^^
|
رد: بقالة الجابري..
اقتباس:
هذه البونية تذكرني بانصار القذافي وعلي عبدالله صالح!! مسوين واقفين وياهم بس اذا طاحوا قالو انهم هم الي غصبونا وهددونا:d: باعطيك العنوان بس انا غير مسؤولة عن اي حالة تسمم وماتبعها من اعراض:grin: |
رد: بقالة الجابري..
هههههههههههههه
طيب خلف ليييش ما توصل للأعضاء هنا:idea3: فكرة حلوة موووو!!! طيب جيب معاك تويكس اكس لاااارج مع كرتونين سن توب:pleased: اي غزووول وين موقعها ودي امر عليه هاليومين.. |
رد: بقالة الجابري..
اقتباس:
كلكم تبون تنتحرون؟؟؟؟ حرام عليكم لساتكم في عز شبابكم!!! :d: |
رد: بقالة الجابري..
اقتباس:
والله وابشر بكراتين سناتيب:laugh2:وبطاطس البطل ابو ريالات للورعان ام انت لك نص الارباح وتستاهل. ابيك تستخدم مع الدجاجيه كل وسائل التعذيب يعني تقطيع اذان مع خناشير مع بعض الاطراف الزايده:laugh2: اما لسانها يبيلنا نجيب تريله ونربط به واير ونمطه لين نقطعه من جذووره وياخوفي انها تتكلم مع باقي الفتحات:laugh2: هذي متكلميه مطوره |
رد: بقالة الجابري..
نظراً للنجاحات الكبيرة التي حققتها تموينات الجابري، وعلشان نيته طيبة، يعتزم الشيخ خلف إنشاء فروع جديدة في أماكن كثيرة في المملكة وخارجها مثل غينيا بيساو وجزر القمر وأفريقيا الوسطى. وقد وافق سعادته على افتتاح فروع جديدة في هذه الدول الثلاث، ويفكر في استقطاب بعض الكفاءات المؤهلة للإشراف على الفروع الجديدة، مثل غزالة الجنوب لتكون مسئولة عن فرع غينيا بيساو، ودمعة مسئولة عن فرع جزر القمر والملكة مديرة فرع أفريقيا الوسطى. ويرجع سبب اختيار هذه الدول إلى أن البيع فيها لا يشترط تواريخ انتهاء صلاحية عندها وبالتالي سيتم إرسال كافة المواد المنتهية الصلاحية عندنا لبيعها هناك، ولكن لنزاهة الأستاذ خلف وحفاظاً على صحة المستهلكين فقد اشترط أن لا تزيد فترة انتهاء صلاحية أي بضاعة يتم بيعها في محلاته عن عشر سنوات (ناس تخاف الله). المرجو من المديرات المرشحات تعبئة نماذج التعيين من خلال موقع تموينات الجابري الإليكتروني خلال ثلاث ساعات من الآن. والله الموفق. ترقبوا قريباً هايبر الجابري |
رد: بقالة الجابري..
هههههههههههههه والله فكررررررره حلووووووه من قدي بروح لجزررر القمررررر لا ومسوؤله بعد خلاص اخوي عبدالله انا من اللحين موافقه ومستعده اعبي النمووذج ومنها سيااحه ونزهه << وفيه احد يرفض مثل هالطلب ولا شراايك ياغزوووله وياملوووكه:drunk::drunk: |
رد: بقالة الجابري..
اتمنى واطلب من رجل الاعمال الكبير الأخ الفاضل خلف أن يفتح لدينا في مدينة الجميزه فرع من فروعه المنتشره حول العالم حيث انه لايوجد لدينا الا بقالة ابو محمد وهي لاتكفي ولا تغطي طلبات السكان حيث ان عدد السكان يزيد عن 100000نسمه واحب اطمئنه انه لايوجد لدينا فرع لحماية المستهلك والبلديه لايقومون باي جوله على المحلات الا بعد خمس سنوات يعني ان فيه مجال لمن يريد ............!!!!!!!!
|
رد: بقالة الجابري..
اقتباس:
وربي انك رهييييييييييييييييييييييييييييييييييييييييييييييب. . والله تصلح في مجال الاعلان والتخطيط الاداري والقسم المالي:grin: اخص اخص يالجابري حتى ديرة القرود وصلتها؟؟؟؟ اكيد ماراح يراقبك غير فيل مسطول او قرد تعود بطنه على اكل الدود:d: عني فماابي ادخل في ذمتي شئ ولاراح اقبل بوظيفة قتل الابرياء , لذا هذه دمعة رجا تبي تتمشى تمشيتها الاخيرة وتبرعت بعمرها كضحية>>بسم الله عليك:grin: |
رد: بقالة الجابري..
اقتباس:
شكلك يافتى جميزة تبي تتخلص من اهل ديرتك ماادري شكلهم ياخذون النت عليك ماادري ابلشوك بتسطيح الكورة في عشتك ماادري حوشك,لكن على العموم بادل السيئة بالحسنة,ولاتهلكهم وتهلك نسلهم بفرع بقالة المدعو خلف مطير الحمام.. اعيد التفكير ولاتخلي نفسك تامرك بالسوء وتعثو في الارض فسادا:d: |
رد: بقالة الجابري..
مبروك الافتتاح يا خلف
كان علمتني أفتح حساب عندك والمهبوله هذي اتركها عنك تبغى تخرب السوق عليك وتمشى بسطتها ما درت انها سوتلك دعايه وأول زبون انا جهز الدفتر بفتح حساب عندك* |
رد: بقالة الجابري..
أختي دمعة رجا نشكر لك موافقتك للعمل في فرع تموينات الجابري في جزر القمر ونتمنى لك التوفيق، ومن المحتمل أن تعطيك الدولة هناك جزيرة من جزر القمر كمنحة لأن الجزر عندهم كثيرة. سيقوم الشيخ خلف بإرسال العقد إليك لاحقاً. الله الله بالدوام المنتظم > > > يعني لو ساعة باليوم تكفي بس لا تعلمين الشيخ خلف. |
رد: بقالة الجابري..
أخي العزيز فتي الجميزة نظراً لتوفر أهم شرطين في مدينة الجميزة وهما عدم وجود فرع لحماية المستهلك وكذلك لتطبيق البلدية عندكم لمبدأ "دع الخلق للخالق" (يعني كل واحد يصلح سيارته)، فقد وافق الشيخ خلف على افتتاح فرع جديد لتموينات الجابري ليكون ملاصق لبقالة أبو محمد ( الله لا يضيق علينا). تقبل جزيل شكري. |
رد: بقالة الجابري..
الأخت غزالة: لمصلحتك أتمنى أن تراجعي قرارك بعدم قبول عرض الشيخ خلف للعمل في فرع سلسلته في غينيا بيساو . فإذا كان هذا قرارك النهائي فإنك قد تخسرين أشياء مهمة ومنها: - الاستمتاع بالأجواء الجميلة والربيعية طوال العام حيث تبلغ درجة الحرارة هناك حوالي 50 درجة مئوية في فصل الشتاء، و99 درجة في فصل الصيف. - تربية الحيوانات الأليفة والوديعة مثل الأسود والنمور والتماسيح المتواجدة هناك بين المنازل. - تعلم اللغة البرتغالية التي تعتبر لغة البلاد، لأنك لو تعلمتيها يمكن تساعدك في العمل كمترجمة للمدربين البرتغالين اللي بدأت أعداهم تزيد في أنديتنا. - وقد تخسرين أيضاً الراحة الكبيرة التي توفرها ساعات العمل في الفرع والتي لن تقل عن 16 ساعة يومياً خاصة وإذا علمنا أنه لا توجد كهرباء في فرع بيساو. عموماً، وكما يقول الشيخ خلف . . . عندك فرصة إلى نهاية الأسبوع لتعطينا قرارك النهائي. ترقبوا قريباً هايبر الجابري |
رد: بقالة الجابري..
:lipsrseal
المسك ياراسي من الذل واخطيك ...............واحذر تكلم يالساني وحذراك <<<<<<< الله يسترعليه |
رد: بقالة الجابري..
ياحيالله المحمدي..
صح لسانك وان كان لها مأرب اخرى.. نريوس على موضوع محورنا:grin: ان كان جاي لهالدكان لقلم ودفتر فانا اضمن ان قريحتك الشعرية بيجيها حموضة وعسر اخراج وصداع مزمن لذا انت شاعرنا حرررررررررام هالموهبة تقضي عليها باقلام ودفاتر هالمودماني ,لذا تكفى يااخوي اسحب جلنط ورويس ودق الزلف وادعس بعيد عن هالبقالة.. :grin: |
رد: بقالة الجابري..
بسم الله الرحمن الرحيم
غزالة الجنوب السلام عليكم ورحمة الله وبركاته ما شاء الله عليك دعايه ولا اجمــــــــــــــــــــل فرفرت المدينه بالطول والعرض واخيراً حصلت بقالة الجابري ما ادري وش اسم الحاره لكن ... اهم ... شي اني وجدتها بعد جهدٍ جهيد حبيت ابارك له ... لكن ... ما حصلته ... شكله نايم ... وإلا طالع مشوار وإن شاء الله ارجع مره ثانيه .... حسامكو |
رد: بقالة الجابري..
اقتباس:
:shocked: لااااا مش مصدقة!! يااخوي والله كاني اعرفك؟؟ يااخوي وش قصتك مع الغياب بعيد المدى؟؟؟؟ اييييييييييييه الله يذكر شركتك بالخير ياحسام يوم انها من حفرة لدحديرة:laugh3: وسبحان الله شدتك هالبقالة يوم انها ماتبيع الا كل ماانتهى عمره وفنى عصره!! وتعال هنيا الله يستر علينا جميعاً وش وداني للمدينة؟؟؟ الاخ خايف من الفضيحة عندكم فجابها عندنا هنا في العاصمة ولاا موزيها على جنب علشان مااحد يدري مايدري ان ريحة بضايعه تصرع الي حولها.. يااخوي انت شاعر ولك مستقبل في اعادة انهاض شركتك المنكوبة فتكفى لاتنتحر لسى الدنيا بخير وان ماصابت الحين بكرة تصيب بس لاتقتل نفسك من غير حق:d: . ياحيااللللللللللللللله الحسام:( |
رد: بقالة الجابري..
اقتباس:
يااخوي ليتك بس تشوف اللوحة على ارض الواقع بتعرف ان املكم في انكم تفتحون ربع هايبر بعيييييييييييييد..:no: يااخوي طيعني وباشتريلك على حسابي كرتون عصير وبطاطس وارجع لبيتك وعيالك وخل عنك التعبث ببطون خلق ربي..:grin: |
رد: بقالة الجابري..
.
ياكثر كلام هل البسطااات يعني ع بالك بتنافسينا ببسطتك والفصفص حقك . ياحيل الله القوي متمغطه ذا البنت ويد براس دجاجه ويد بكيس فصفص ونحن اصحاب التموينات لانصاحب راس دجاجه وفصفص المحامي عبدالله . وبعد نظر الى مستوى هذه الدجاجيه ومؤهلها الدجداجي وحسب خبرتها ترشح بالمرتبه الاولى مقشرة للبيض وباجره 3حبات بيض بالشهر والتوصيل مجانا اقلعوها لبيتها :laugh2: وارجوا اعتماد هذا الامر وان كان لن توافق على هذا بمعن اني متاكد ان هم شي عندها الشي اللي حول الدجاج فكبروا عليها وارجموها بسبع بيضات بصوص:d: |
رد: بقالة الجابري..
ماتحلى السوالف الا ع الاختبارات
لي عوووده انتظروني بس بعد اسبوعين.. اهم شي البقاله حافظو عليها الين مارجع هههههه |
رد: بقالة الجابري..
اقتباس:
اقول خلف جد جد وبصراحة وبكل شفافية وش يقربلك القذافي؟؟:d: نفس التهديد والنفس التفكير:grin: ماراح ارد عليك وباقدر شعور الاحساس بالنهاية فبدل ماتتوب وتستغفر قاعد تتوعد وتحذف لكن هالبيض راح يرجع عليك بهجمة مرتدة حتى تعرف تحذف صوت الحق الي فاضح سريرتك.. |
رد: بقالة الجابري..
اقتباس:
ماراح تروح ,طول ماانتي تشمين ريحة شئ منتهي تاكدي انه لساتها موجودة.. |
رد: بقالة الجابري..
لا لا لا
بليز منطقتنا لاتقرب لها ومانبي هايبر يكفي اللى صار من بقالته :laugh2: غزغز اذا تبين مساعده قوليلي اعرف واحد بالبلديه |
الساعة الآن 55 : 03 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas