|
ممكن تساعدوني
اخواني واخواتي ..
السلام عليكم ورحمة الله وبركاته .. الموضوع ومافيه انهم طلبوا مني في المدرسه ان اعمل موضوع وراح القيه في الاذاعه المدرسيه ( ضريبة الشطارة ) .. :D هذا الموضوع عن محو الاميه .. تكفون ممكن تعطوني افكار وكلام عن هالموضوع .. على فكره هالموضوع راح القيه في يوم 20 شعبان .. وفيه موضوع ثاني كمان راح القيه في رمضان ساعدوني فيه . ارجو من يستطيع مساعدتي الا يبخل علي بها .. فانا فعلا في اشد الحاجه .. تسلمون اختكم ( أنا ) :D :D :D |
وعليكم اسلام ورحمة الله وبركاته
مرحبااااا ردونه ياعيني ياعيني اذاعات وحركات :o ان شاء الله راح ابحثلك عن اي شي يخص هلموضوع يله شدي حيلك يامراقبتنا وبيضي وجيهنا..:D |
اهلييييين..اردينـاااااا.كيفكم وشلونكم.......... .ابشـــــــــــري..يــابنــت خــالتــي..... ابي اسوي تليفـوووووون على..مدرســي.... الله يذكــره بــالخير..في محــو..الاميــه..... مـاشــــــــــي يــابنــت خــالتـــي.. زييييييين زيييييييين////خيـر انشــاءالله سـلاااااااام :) |
اختي اردينا لك اللي تبين بعد لا اتخرج
|
سعادة المديره..
السلام عليكم من ارض الكفاح المسلح بالنسبه للموضوع اهم نقطه فيه وللي راح يركزون عليه مديرة المدرسه والمدرسات هو (دور الحكومه في هذا المجال ودعمها لها) فيه معلومه مهمه ان محو الأميه في السعوديه بداء مع عملية توطين البدو بداء بشكل بسيط ثم تدرج...ايضا لازم نجيب طاري المدرسات اللي يتعبون في الحضور بعد الظهر لتعليم الطالبات(كنهم ماياخذون عليها فلوس) وهناك مثال حي لمحو الأميه ومعنا في المنتدى احد المستفيدين من هذه الخدمه وهو المستر فوكس اما بلنسبه للموضوع الثاني فأن الزواج من الأجنبيه مرفوض |
بنت عنيزة الحبيبه
ابورووول ابن خالتي المملوحه بنت الجيران داي اوف ابن الايام :D مشكورين وفي انتظاركم على نار ;) |
هلا ردونتي الغاليه .....
الله يسلمك أنا بكتب بعض النقاط وما عليكي غير تضيفين بعض التعبيرات عليها ..... يالله نبدأ ..... 1- من ضريبة الشطارة أنهم يقولون عن الشاطر دافور .... 2- أنهم يعطونه عين .... ويصير كسول ..... 3- أنهم ينشبون في حلقه وقت الأختبارات ..... 4- أنهم يبطون كبده بكثر أسئلتهم الي ما لها داعي ..... 5- أنهم يجحدونه يوم تخلص الأختبارات ولا كأنهم يعرفونه ...... هاه وش رايك في هالنقاط ؟؟؟؟؟ صح ممتازه جدا ..... |
وحداني
1- من ضريبة الشطارة أنهم يقولون عن الشاطر دافور .... وعن الكسلان عساه ياكل خابور :D
2- أنهم يعطونه عين .... ويصير كسول ..... والكسول .. يعطونه إيد زياده ويصير شطور ;) 3- أنهم ينشبون في حلقه وقت الأختبارات ..... والكسول في الاختبارت يخلونه يدور :o 4- أنهم يبطون كبده بكثر أسئلتهم اللي ما لها داعي ..... والكسول مخلينه قاعد مسرور :eek: 5- أنهم يجحدونه يوم تخلص الأختبارات ولا كأنهم يعرفونه ...... ويعاملونه مثل الطرطور :confused: آآآآآآآآه مابغيت اخلص .. المهم خرجتنا عن موضوعي والله تراه مهم بالنسبه لي تكفون بيضوا وجهي عطوني افكار .. ترى مافيني حيل افكر الاختبارات قفلت كل منافذ التفكير في راسي .. http://home.att.net/~scorh4/BorderSet1Line1.gif |
هلا اااردونه
اسفه ياعيوني والله اني نسيت تدرين الكبر شين:D لكن ابشري ان شاء الله بكرا ادورلك بالمكتبه اللي عندنا اي شي يخص هالموضوع ابد من عيوني والله غالي والطلب رخيص :) |
بنت عنيزه
|
اهلا اردينا
:o ودي التفلسف ....لكن في محو الاميه مالي درب......لكن ولا يهمك ...بجيب لك الي براسي ( اقصد الي في الكتب ) ;) |
هلا ساسا
حمدلله عالسلامه انت وووين تغيييب وتغططططططس .. حياك الله انت واللي براسك .. قصدي اللي بالكتب ;) :D
http://angelwinks.webby.com/images/a...animated42.gif |
مرحبااااا ردونه
حسبي الله على شيطانك ياردونه مالقيتي الا هالموضوع :D حتى مواقع تتكلم عنه مافيّ رحت ودعبست بالمكتبه على امل اني الاقي مقاله متكامله او موضوع بمجله لكن مالقيت الا كتابين طلعت منهم بعض النقاط اللي اتمنى انها تفيدك شوفي اول شي بقولك فكره لو كان عندكم خاله(فراشه) متعلمه تجرون معها لقاء(اساله عن وضعها قبل ماتتعلم وعقب والدافع الي خلها تدخل محو الاميه .وايش استفادت وهكذا.....وبنهاية اللقاء تعطونها هديه رمزيه..:D بعد هاللقاء تبدون بطرح الموضوع عن محو الاميه وممكن يحوي النقاط التاليه & المقصود بالاميه: الاميين بمدلولها اللفظي بقواميس اللغه هم فئة من الناس اللذين لايعرفون القراه ولا الكتابه & القواميس العربيه عرفت الامي بانه الذي لايعرف القرأه والا الكتابه ونسبة الا (الأم)او (الأمه) اي ان الأميّ على الحال التي ولدته امه عليها والمعنى الثاني على صفة أمة العرب واستدلو بقوله تعالى(وهو الذي بعث في الامين رسولا منهم يتلو عليهم اياته ويزكيهم,ويعلمهم الكتاب والحكمه وان كانو من قبل لفي ظلال ميبن) & الانسان الاميّ عضو معطل في جسم المجتمع وقد يكون عاله علىغيره من الاعضاء &مفتاح الحضاره والارتقاء بطموحات البشريه يكمن في التعليم لذالك قال تعالى (قل هل يستوى الذين يعلمون والذين لايعلمون) &الانطلاقه في هذا المجال (محو الاميه) بدات منذ ظهور الاسلام & فالاسلام بشر بتربيه تمتد من المهد الى اللحد ,فلا حدود عمريه على طلب العلم. _حرص الاسلام على توفير دوافع الاستمرار في طلب العلم (يرفع الله اللذين امنو منكم والذين اوتو العلم درجات) _ لقد كانت أول ايه نزلت على رسول الله صلى الله عليه وسلم هي (اقرا باسم ربك الذي خلق .......الايه 19 ولاشك ان وراء ان تكون اول ايه نزلت على محمد صلى الله عليه وسلم تمثل دعوه صريحه للقراه هذه الدعوه الموجه للمسلمين كافة تشمل الصغير والكبير. وهذا مايؤكد ان الاسلام في جوهره دعوه صريحه للعلم. _ امااحاديث الرسول صلى الله عليه وسلم التي تحض على طلب العلم والاستزاده منه فهي كثيره وهي موجهه ايضا للصغير والكبير ومنها (من خرج في طلب العلم فهو في سبيل الله حتى يرجع)رواه الترميذي (ومن سلك طريقا يلتمس فيه علما سهل الله له طريقا الى الجنه)رواه مسلم _الرسول عليه الصلاة والسلام لاينطق عن الهوىوسلوكه ترجمة للقران الكريم وتوجيهاته,وقد أخذ في بداية الدعوة يلتقي بالقلة القليلة المؤمنه,التي اّمنت به سرا في(دار الارقم بن الارقم)يعلمها القران الكريم وجميعهم بالطبع من الكبار,لدرجة يمكن القول معها أن درا الارقم بن الارقم هي أول مدرسة لتعليم الكبار ينشاها الرسول صلى الله عليه وسلم _يعد الرسول صلى الله عليه وسلم او لمن جرد حملة كبيره لمحو الاميه بصورة جماعيه حين جعل فداْ (اسرى بدر) ان يعلم كل منهم عشرة من المسلمين القرأه والكتابه.ثم قام هؤلاء بتعليم غيرهم من ابناء المسلمين فانتشرت بذالك ادوات العلم والمعرفه في المجتمع الاسلامي. _وهكذا مع تطور الاحداث واتساع الدولة الاسلاميه .اصبح من المالوف ان يقام مسجد او اكثر في كل مكان يفتحه المسلمون.او في كل قريه او مدينه يؤسسونها, وقد كانت هذه المساجد مراكز لتعليم الكبار .اما تعليم الصبيان فقد اختصت به الكتاتيب. ومن ذالك يمكن القول ان المسلمين قاموا باكبر حركة لتعليم الكبار وأن المساجد كان مركز لهذه الحركه. &في العصر الحالي مع تطور العلم والتكنلوجيا حيث اصبح العالم قريه صغيره واصبح من الواجب القضاء على الاميه في مجتمعتنا لاذلك ادركت البلدان العريبه الحاجه الى تعليم الكبار وبدات نظمها في تبني عديد من البرامج عن محو الاميه, & وفي المملكه العربيه السعوديه يحظى موضوع تعليم الكبار بهتمام الحكومه وشتى الوزارات والهيئات.وتبذل حكومة المملكه جهودها في هذا المجال حيث تسعى الى محو الاميه,فقد بلغ عدد الدارسين في فصول محو الاميه التابع لوزارة المعارف 45816دراسا كما بلغ عدد الدارسات في فصول محو الاميه بالرئاسة العامه لتعليم البنات 49569 دارسه .كما تقوم وزارة الدفاع والحرس الوطني جهود ملحوظه في هذا المجال. ملاحظه :الاحصائات المذكور في المرجع قديمه من عام 1413هـ ) طبعا عليكي تختارين اللي تبين وتربطينهم مع بعض المعذره ردونه على القصور لكن هذا اللي قدرت احصل عليه ردونه اياني واياكي تشتركين بالاذاعه مره ثانيه ترا اخلي اذاني واذانك اربع :mad: ..اسمع كلام العمده بتاعك :D :D . المراجع 1_ اصول تعليم الكبار ...... تأليف د .عبد الرحمن الحميدي 2_الاميه وجذور الاعاقه...... تأليف عبد الله سالم الحميد |
| الساعة الآن 25 : 05 PM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]