تهنئة وبشارة !
...........
... السادة / أعضاء وزوار منتديات الوئام السلام عليكم ورحمة الله وبركاته اسعد الله اوقاتكم بكل خير وكل عام والجميع بخير بمناسبة حلول عيد الأضحى المبارك اعاده الله عليكم باليمن والخير والبركات وانتم ترفلون بلباس الصحة والعافية وفي ظل من تحبون. كما نسأل الله ان يتقبل من الحجيج حجهم وان يردهم لاهلهم وذويهم سالمين غانمين " البشارة " الاخت شموع الغربية حجت ماشاء الله تبارك الله والبشارة هي انني سجلت اسمائكم بورقة واعطيتها لها عشان تدعي لكم فرداً فردا ووافقت الله يجزاها خير ويتقبل منها لكن طلبت على كل شخص 500 ريال مقابل كمية لامحدودة من الدعاء. ماكانت كذا لكن كلمتها وحده من اللي يقال لهم الراسماليين اظن اسمهم كذا :e411:وشكلها قالت لها الحياة فرص المهم حولت لها العربون عاد انتم لاتنسون تحولون باقي المبلغ على حساب الأخ عبدالله عشانه قريب من مكه والاخت تبغى كاش :12793983664: نسأل الله لها ولجميع الحجاج حج مبرور وذنب مغفور وسعي مشكور وترجع سالمه غانمة باذن الله تحياتي :er-14::er-14::er-14: |
رد: تهنئة وبشارة !
عليكم السلام ورحمة الله وبركاته أولاً: كل عام وأنت أستاذي وافي وجميع الأحبة في الوئام بخير وإلى رضوان الله أقرب، داعياً الله بأن يعيده على الجميع وهم بصحة وسعادة، وأن يرحم موتانا وموتى المسلمين. ثانياً: تقبل الله من الأخت شموع الغربية حجها وصالح أعمالها، وأن يُعيدها سالمة غانمة إلى أهلها. ثالثاً: بالنسبة لمبلغ "رسوم الدعاء"، يظهر بأن الأمر ألتبس عليك يا أستاذي، لأن الرسوم المحددة من قِبلها هي (1000 ريال)، وليست (500 ريال). ما فيه داعي للتحويل على الحساب حتى لا يكون فيه ممسك قانوني عليّ. أنا أمر على كل واحد وأستلم منه / منها الرسوم بدون سند استلام ولا يحزنون. أخيراً نسأل الله جميعاً بأن ييسر للحجاج حجهم، وأن يتقبله منهم، وأن يعودوا إلى ديارهم سالمين، وأن يحفظ على هذا البلد أمنه واستقراره، ويوفق القائمين على شئون الحج لما يُحبه ويرضى. |
رد: تهنئة وبشارة !
وعليكم السلام ورحمةالله وبركاته وكل عام وحضراتكم بخير أعاده الله علينا وعليكم بالمسرات وجزاك الله خير يا وافي يوم اعطيت أسمائنا لشموووووووعه تدعي لنا بالحج بصراحة أول مرة اشوف واحد يدعي لك وياخذ فلوس مقابل الدعاء وياليتنا من حجنا سالميني هههههههههههههههه ولا اخفيكم بأنني أول واحد عرفت أن شـــموووووووعه بتحج وحولت لها المبلغ أسرع من البرق وأنتم تشخرون من النوم تقبل الله منا ومنكم صالح الأعمال ومن شموعه حجها وتعود سالمة وعيدكم مبارك.. |
رد: تهنئة وبشارة !
وعليكم السلام ورحمة الله وبركاته
أستاذي الوافي كل عام وأنتم وأعضاء الوئام الكرام بالف الف خير وبصحة وسعادة وسلامة ومن العايدين ومن الفائزين وعساكم من عواده هالسنة وكل سنة وعيدكم مبارك أعاده الله علينا وعليكم بالأمن والأيمان والخيرات والبركات ونتمنى للأخت شموع أن الله يتقبل حجها وسعيها ويجعله حج مبرور وعسي مشكور وذنباً مغفور وكـــــل عـــــــــام وأنــتم بخير أستاذي |
رد: تهنئة وبشارة !
صباحكم ثاني يوم عيد تقبل الله منا ومنكم صالح الأعمال وعيدكم مبارك ...والله يتقبل من اختنا شموع حجتها ويسهل أمورها يارب .... .... الحين ماعرفنه هي 500 ولا 1000 ارسو لنا على سعر.. المهم لو رسيتوا سجلوا قيمة الدين عليّ في الدفتر 😅😆 :090::090::090: |
رد: تهنئة وبشارة !
كل عام وأنتم بخير شيخنا أبا خالد، الأخ الحبيب فتى الجميزه، الأخت الكريمة بنت المالود بالنسبة لاستفسارك أختي بنت المالود حول التسعيرة، مش متأكد، بس يمكن الدعاء العادي بسعر، والمكثّف بسعر. جزاها الله خير الأخت شموع قررت الدعاء بالمجان، وبالتالي راح العربون على بعض الناس. |
رد: تهنئة وبشارة !
............
... كل عام والجميع بخير بالنسبة للتسعيرة حسب مافهمت 500 لكن بعد كلام عبدالله رجعت لشموع اتاكد. فعلاً كلام عبدالله صحيح 500 غير شامل يوم عرفة . . يعني يتوقف الدعاء مع مغيب شمس يوم 8 لكن شامل يوم عرفة بـ 1000 ! واعتذر ياجماعة ع اللبس الحاصل واقسم بالله ماسمعت منها كلمة 1000 ولاجا لها طاري اطلاقاً الا من عبدالله هنا ! لكن انا اتحمل نتيجة الخطا بدفع فرق السعر وعسى الله يتقبل من الجميع ... |
رد: تهنئة وبشارة !
عزا الله رحت وطي وطارت فليساتي انادفعت500 شامل عرفة وهو الحج الأكبر لكن حسب كلامكم يقتصر على يوم 8 بمنى طيب يا وافي ما استفسرت نشتري واحد والثاني مجاني لعل وعسى يسعد لي صباحكم |
رد: تهنئة وبشارة !
ههههههههههههههه
وانت بخير وصحه وسلامة يارب اللهم اميييييييييين الله يتقبل انا دعيت لكم ولحيكم ولميتكم وعسى الله يتقبل يارب عشان العربون لكن انتظر اخوي عبدالله يحول الباقي :er-2: الله يسعدك وافي |
رد: تهنئة وبشارة !
اقتباس:
هههههههه الفكره أضمن وممتازة بينك وبينهم :dn29: الله يسعدك ياخيي ويجزاك خير ع دعواتك اقتباس:
وانت بخير وصحه وسلامه الحياه فرص ياشيخنا وانا كنت بأفضل مكان وأفضل وقت والصدق اني قلت للشيخه ريم تبلغ وافي اللي يبي الدعاء بعرفه يحول بدري واللي يتأخر ندعي له بعد مانحلل من الاحرام يوم العيد:46086074: هههههههه مثل نقلي لحايل الله يسعدك شيخنا ويجعل ايامك سعادة |
رد: تهنئة وبشارة !
اقتباس:
اللهم امييييييين يارب ، وينعاد عليك وانت باحسن حال ربي يسعدك استاذي اقتباس:
انتي دامك مانتي عارفه السعر معفاه من الرسوم من الاساس :e40a: الله امييين ، يسعدك ربي اقتباس:
هههههه كان يوم عرفة بألف واللي ماحول الدعاء بعد التحلل ب 500 بس يوم شفنا العرب ماتفقت وانشقت وتهربت قلنا الأجر من الله وعلى الله :46086074: |
رد: تهنئة وبشارة !
اقتباس:
هو ماضيع قروشنا غير وافي والا يمددينا تكسبنا اقتباس:
:40404::40404: |
الساعة الآن 01 : 01 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas