منتديات الوئام - احد انتبه لغيابي ..ما اعتقد ..بس ما تنلامون ..:)

منتديات الوئام (http://www.alweam.net/vb/index.php)

- ملتقى الأصدقاء (http://www.alweam.net/vb/forumdisplay.php?f=5)

- - احد انتبه لغيابي ..ما اعتقد ..بس ما تنلامون ..:) (http://www.alweam.net/vb/showthread.php?t=19209)

فطامي

16 / 02 / 2002 11 : 10 PM

احد انتبه لغيابي ..ما اعتقد ..بس ما تنلامون ..:)

مراحب يالغالين .. شلونكم انشاء الله تمام ..:)

انكان احد انتبه انا غبت صار لي اسبوع تقريبا .. انشغلت شوي ..:)

بس اللي مضيق خلقي انه اليوم امي سافرت السعوديه لاداء فريضة الحج ... والحين مسؤلية البيت ملقاة على كاهلي والله يقدرني على حملها .. لا وجايينا ضيوف بعد على مدى اسبوعين يعني البيت بيصير .. :rolleyes: والله ما ادري شبيصير ..

بس والله الام لها ماكانه توها صارلها ساعات قليله من سافرت ..نحس ان البيت فاضيييي ويضيق الخلق ..:( ولهت عليها والله ..:(

عسى الله يردها لنا سالمه انشاء الله ويردلكم حجاجكم سالمين ..

قولو امين

انشاء الله ما اكون طولت عليكم وهذرت عليكم وايد .. بس من ظيقت الخلق بفضفض ..:(

المهم .. شلونكم عقب انقطاعي القصير انشاء الله المنتدى مشى تمام .. بعد مثل مانتو عارفين لما انقطع ينام المنتدى ويصير هاديي ..ويقعد يبجي كل الاعضاء اللي فيه http://www.mahroom.net/images/smilies/g.gif ويقولون .. يالله فطامي ردي يالله فطامي ردي .. |8|

|5| |5| |14| |14| |17| |17|

nana	16 / 02 / 2002 15 : 10 PM

يا هلا وغلا بالغاليه فطااامي
والف الف حمدلله على السلاامه يا الغاليه
والله يرجع امج بالسلااااامه...
ويالله.. شوفي شغلج في المنتدى... تراه
مواضيع وايد فاتتج.. وتبي توقيعج :D

[sound]file://C:/My Documents/My Music/assel-mawa7ashtak[1].ram[/sound]

بنت عنيزة

16 / 02 / 2002 25 : 10 PM

مرحبااا فطامي

الله الله

اجل صايره ربت بيت

الله يعينك ويقويك ويردلكم الوالده بالسلامه

والمنتدى زين ويسلم عليك ومانقصنا الا وجودكم معنا

الله يعطيك العافيه..وخلي عنك القاطاعه مرة ثانيه..

عاشقة البحر

16 / 02 / 2002 36 : 10 PM

هلا والله بفطامي;)
لاتخافين انا ادري انج غايبه بس كنت اتسائل بيني وبين نفسي
لأنه لمسات قبل قال
الغايب جحته معاه:rolleyes:
ومن يومها صرت ماسأل عن حد الا أسأل بيني وبين نفسي:D
على العموم
الله يرد الوالده بالسلامه انشالله
ويرد كل اللي راحو:)
على العموم فطمطم ;) ماقول الا
الله يعيييييييييينج على هالمسؤليه :)

ملجلج

16 / 02 / 2002 20 : 11 PM

حياك الله أخت فطامي ,.,.,

تشرف المنتدى باستضافتك ,.,

و سعدنا بزيارتك ,..,,

حياك الله في الوئام ,,,, و ان شاء الله تجدين فيه ضالتك ,.,

أقول فطامي ,.,

قالت اسئلوا علي ,.,

انتي و طبرجل ,., فاقدكم من ذاك اليوم ,.,

بس ما راح أسأل على و لا واحد منكم ,.,

أسأل عن أخبارهم ,.,,

و في الأخير يزفوني ,.,

أقول أختي فطامي ,.,

أشوفك مقابلة النت ,.,

يالله قومي ,.,

ترى وراك مسئوليات و بيت حان ران ,.,

الله يرد الوالدة الن شاء الله بالسلامة ,.,

و يحفظها لكم يا رب ,.,

sasa	17 / 02 / 2002 30 : 02 AM

:o هلا .....وغـــــــــــلا بالغالي اخونااااا فطامي:D

انتي كيف حالك وكيف اخبارك وكيف دورة الجيش معك :p >>>>لمسات هو الي خبرني ;)

اللهم امين

الله يسهل لامك دربهاااا ويتقبل منهااا ان شاء الله

|2| والمنتدي من دونك ضايع.....رحنااااادورناااا عليه حصلناه|8|

قلنا عاد لازم .......:o لازم نعالج الوضع بفطامي ....وهاذا هووووو

المنتدي بين يدينك...لازم تطيبين خاطره|3|

الحمدلله علي السلامه فطامي ...والحال من بعضه انتي اسبوع

انا 20يوم ......ولهناك خبررررر;)

لمسات

17 / 02 / 2002 51 : 10 AM

فطامي

هلا بك اختي

عندي قاعده ومبدأ

المبدأ يقووووووووووووووووووووووول

الغايب جحته معه:D

عاد إذا ما عندكم جح ،،، روحي اشتري من السوق:D

وش دعوا ما بلغتينا عن الوالده من زمان:(

تو السعوديه ما نورت

لو قلتيلي من أول ،،، كان فضيت مكه والحرم عشانها

تراني مو سهل

أعرف جندي متقاعد ومطرود من الخدمه

وبعدين ليش ما جحيتي معها ،،، وش فيني على الجح

أقصد

ليش ما حجيتي معها

عموما أتمنى للوالده حجا مبرور وسعيا مشكور

عسى الله يتقبل منها ومن جميع المسلمين:)

ظـِلال الأنوثـة

17 / 02 / 2002 57 : 01 PM

فطامي ..

مرحبا اختي حياك الله نورتينا .. واذا تبين مساعدة في شغل البيت ابشري انا ماراح اقصر معك انت ِ بس ارسلي لي التكيت وانا إن شاء الله بأول طايرة والا انا عند باب حووووووووشكم :D

http://www.hanaa.net/postcard/images/301_t.gif

المملوحه

17 / 02 / 2002 02 : 05 PM

فطامي وييييييييييييييييييييييييين هالغيبه

كلمي امك قولي لها تدعي لي اجيب نسسسسبه :D :D :D :D :D

فطامي

17 / 02 / 2002 40 : 05 PM

اعزائي الغالين ..نانا.. بنت عنيزه ..عاشقة البحر.. ملجلج.. ساسا.. لمسات.. اردينا.. المملوحه.. تسلمون اعزائي وماقصرتو على كلامكم الحلو وتعاطفكم ;):) ومشكورين على دعواتكم الصادقه والله يسمع منكم انشاء الله ..:)

ويسلمون حبيباتي البنات على تطوعهم في مساعدتي في شغل البيت وبس اعتفس شوي بطرش عليكم ..والله شكلكم بتخونون وماتيون :p

لجلوج ..يقولون زف الحبيب زي اكل الزبيب .. وانت عزيز وغالي عشان جذي نزفك :D:D

ساسا .. حمد الله على السلامه ;):)

الباحث عن

17 / 02 / 2002 02 : 07 PM

للجميع التحية والسلام

هلااااا وغلاااا فطامي ..

كيقك واخبارك ..

حمد الله على العودة ..

بس تعالي ..((والحين مسؤلية البيت ملقاة على كاهلي والله يقدرني على حملها .. )).........قوية ما اقدر اصبر ...هههههههههههههه

يجازي بليسك اعجبتني كاهلي ..قوية حييييييييييييل ..

الله يعين ابوك واخوانك ..بيض صبح ومساء ..((امزح فطمطم ))

الله يرجع الوالدة بالسلامة ..

ونقول لها حجاً مبرور وسعياً مشكور ..

بس هاه انتبهي لكاهلك ..لا يجيه شيء :D

فطامي

18 / 02 / 2002 03 : 03 PM

هلا والله يالباحث عن .. يحليلك قاعد لي على الوحده هااا ..;):D

سلمك الله رحت يبتلي كتاب نحو يالله ركبت هالجمله :D :D لا اتغشمر ..وبعدي حرام عليك .. مسويه دجاج ومعكرونيه وحالتي حاله وتقول لي بيض .. ايا الضالم ..:(

على العموم اتغشمر وياك .. والله يسلمك وتسلم على الدعوات الجميله والله يسمع منك انشا ءالله ..

يالله بروح انجب الغدى ..;):D

abs33

19 / 02 / 2002 35 : 02 AM

هلا والله فطومه.

حمدالله على السلامه..

وانورت الاستراحه برجعتك لنا..

واعذرينا على التقصير...

نورتى ياالغاليه..

وان شالله كل الغايبين يرجعون.

سلام..
:)
..

همسة غلا

19 / 02 / 2002 22 : 11 PM

حمدالله على السلامه فطامي00
ماشاءالله عليك صايره ست بيت اجل00صدقيني يقولون احسن للمره تتعلم شغل البيت وهي عند اهلهامو اذا راحت للرجال قعدت تتعلم ابجديات شغل البيت00(اما انا لوتروح امي كان تصير بلاوي)
عموما الله يرد والدتك بالسلامه0

فطامي

20 / 02 / 2002 25 : 12 AM

عزيزاتي الغاليات ابسوسه وهمسة غلا تسلمون على كلامكم الجميل وماقصرتو ..:)

الساعة الآن 22 : 08 PM بتوقيت السعودية

[ Crystal ® MmS & SmS - 3.7 By L I V R Z ]