|
رد: {{ 11 حقيقة }}
الله يعطيكم ألف عافيه
متصفح يزخر بجمال شخصياتكم ورقيها ألف شكر لملكة الاحساس لاتاحة هذه الفرصه والف شكر للحن الجروح لاختيارها لي وكلي اعتذار واسف لتأخري بالرد لي عوده قريبه باذن الله |
رد: {{ 11 حقيقة }}
صباحكم طاعه الرحمن احبتي في الله عساكم بخير وتقبل الله منا ومنكم صيامنا وقيامنا وجعلنا من عتقاء النار في هذا الشهر الكريم هذي والله البلشه انا كان ودي اتميلح عليكم بس تذكرت وجود رحيل اخيتي واعرفها بتجيب العيد وتفضحني وبعد تفكير قررت اقدم الحقائق بكل مصداقبه والله حقائقي واجد بس انا بذكر اهم 11 فيهم قبل اخبركم فيها هي غريبة شوي بس وربي اني من سكان الاض تحديدا السعوديه يعني انا من نفس كوكب الارض نبداء بسم الله 1. اشرب الشاي بارد ومدمنه شاي يعني اللي يشرب معاي يكون طفح البيالة 3 وانا لسا ما شربت شئ من بيالتي 2.اللي يبي ينكب مشواري ويردني للبيت مصدعه وحالتي حالة بس يرش عطر واحنا بالسيارة وادري ان رحيل راح تستغل ذي الحقيقة وتسويها يوم العيد بس حريمتها انا بسيارة وهي بسيارة ان شاء الله ومو العطور المركزه اي عطر اما ان يكون قبل ركوبي السيارة او بعد نزولي 3.مزاجية جدا واعيش الفصول الاربعه في ساعه واحده مثلا تقدر تزعلني وتضحكني في نفس الوقت ماعندي فواصل ابدا 4.ما احب اجلس بروحي واموت على المشاوير الخفيفه في السيارة مثلا نطلع نجيب شئ من السوبر او ناخذ لفه ومصيبه لو سمحوا للمراءة بقيادة السيارة اظن بجهز عزبتي معاي 5.متشعبه في علاقاتي وهذا الشئ ارهقني وشتتني يعني صار صعب اتواصل مع كل اللي اعرفهم ما الحق وانسى بعضهم ويتشرهون علي العرب 6.ما احس نفسي مزعجة مع ان الحقيقة اني مزعجة جدا مثلا تذكرت سالفة او موقف واحد عندي نايم اصحيه واسولف له او اتصل ولا اطالع الوقت وهذا سبب رئيسي ان اخيتي رحيل تقفل جوالها او تصمته وهي نايمه 7.لو مايبقى في الدنيا كلها شوكلاته الا التويكس ما اكله......الله يديم النعمه 8.تعاملي مع رحيل واشقائ تعامل الام مع اولادها ....احس اني امهم واحيان اقسى عليهم وارد اقول لمصلحتكم غثيت قلوبهم 9.عملية جدا وعدوي اللدود الوقـــــــــــــــــــــــــــــــــــــت دايما الوقت يوترني ويلعب باعصابي 10.لااهتم ابدا بالاكسسوارات والموضات وهذي الشغلات بس وانا رايحه الطايف اخذ شنطة فاضيه عشان الغنائم من اغراض رحيل الحلو في السالفة انها ماتفقدها الا بعد ما اوصل ابها وما حب اغير عطري ابدا اعتبره بمثابة التوقيع لي ذي حقيقة مستقله بس قاطة في رقم 10وماحبيت اكسر بخاطرتها 11.احترم سؤال اي شخص عني واقدره له حتى لو كان لمصلحة يعني لاتصدقون اللي يقولون راحوا الطيبين هذا انا حية ارزق واشارك في المنتدى ولا رحت ولاشئ يارب بعد ما اكون كثرت عليكم واحد فيكم اختصر قراء الحقيقة الاولى وشطح الى رقم 11 كونوا بخير جميعا وجمعنا الله بكم في دار الخلود اتمنى يتفضل الاستاذ الراقي واخي الكريم فتى الجميزة بالصعود على المنصة واستلام جائزته لالا امزح اقصد ياخذ المايك ويتكلم لنا عن نفسه |
رد: {{ 11 حقيقة }}
اقتباس:
انا لله وانا اليه راجعون مره ماعندك فواصل اي كذا ولا بلااش فليها مع نفسك:furious3: مع نفسك هاه ماتحسي نفسك مزعجه؟ هههههههههههه تصحينه وتسولفين له طب ماعمر جاك كف ولا شلوتي :furious3:صدقيني يادانه توقعي في اي وقت رحيل تدخل شهار خخخخخخخ ان هذي الدانه كائن غريب متغرب يعيش بدون فصول ويقوم النايمين :furious3: الدانه مع انك غريبه في بعض حقايقك ولكن وربك انك رااائعه دمتي ودامت حقايقك حقيقه حقيقه :( |
رد: {{ 11 حقيقة }}
ملووووكه شخصيه رائعه
وماهي غريبه علي خبره صرنا :pleased: ربي يحفظك ويسعدك : خيتووو لجن ماشاء الله عليييك حلوة شخصيتك مشكلة التقفيل على المجموعه كلها :furious3: ربي يسعدك ويزيدك |
رد: {{ 11 حقيقة }}
يادااااانه بعين بحارك ترى الاحساس ربانك<<<من قريت الدانه وهي تقرقع براسي :furious3:
دانة الوئام .. بجد شخصيه حلوووة وحلاتها بغرابتها بس انك تصحيني لاجل تهذرين فوق راسي مانتي بصاحيه وكان الله بعون رحيل :laugh2: لو مكان رحيل وقت نومي ممنوع فتح الباب لعدم وجود المفتاح :( مزاااجيه :dizzy: الله يسعدك يالدانه استمتعنا بشخصيتك موفقه يالغلا : وبانتظار الشاعر والاديب فتى الجميزة .. |
رد: {{ 11 حقيقة }}
هههههههههههههههههههههههاي خلف الجابري مرحبا الف والله شوف يمكن في البدايات واجهة ردات فعل مختلفة باختلاف مزاجات الشخص اللي اقعده من نومه واهذري على راسه بس مع العشرة مشي الحال ابشرك قدني في دروع واقيه قبل ممارسة هوايتي هذي اشكرك من الاعماق كلك ذوق لاهنت ويارب اكون عند حسن ظنكم بي |
رد: {{ 11 حقيقة }}
شموووووووع الغربية ابشرك رحيل الى الان غايبة عنها فكرة انها تقفل غرفتها هي صح قفلت دولابها وادراج تسريحتها بس وين وعلى مين انا عرفت وين تخش المفتاح حبيبتي جد انتي ذوق وحظورك له وزنه دمتي بكل الخير ودي لك |
رد: {{ 11 حقيقة }}
الدانه يعطيك الف عافيه
ع الحقائق بس ترا ماعد فيني لرحيل من كثر ماتشتكي منك ههههه امزح يالغلا الله يخليكم لبعض |
رد: {{ 11 حقيقة }}
شموع ربي يسعد ايامك
ومشكوره يالغلا ذا جزء من شخصتي ولا ع قول خلف كنت بجيب العيد بس فكرت والا باقي عليه 14يوم دمت بود |
رد: {{ 11 حقيقة }}
ملكة الاحساس
لحن الجروح الله يسعد قلوبكم ولايحرمنا وجودكم << أعرفكم زين وأعرف أكثر من اللي كتبتوه بس الظاهر ماحد يحب يمدح نفسه الـــدانه :brood: فدييييييييييييييييييييييييييييييييييتك الله يخليك لي |
| الساعة الآن 19 : 07 AM بتوقيت السعودية |
Powered by vBulletin® Copyright ©2000 - 2024, Jelsoft Enterprises Ltd.
new notificatio by 9adq_ala7sas
[ Crystal ® MmS & SmS - 3.7 By L I V R Z ]